ROMA 5:2 - JANJAI BLAU Lem Bahaso Jang Bebilai

² Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 5:2 ပူးပေါင်းရင်းမြစ်များ

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

YOHANES 10:7

Kerno o Yesus madeak igai, “Sesungguakne Uku madeak ngen udi; Ukuba bang kunei bebirai o.

YOHANES 10:9

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

ROMA 11:20

Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!

ROMA 12:12

Riangba lem pengharapan, sabarba lem saro, ngen tekunba lem du'o!

ROMA 14:4

Api udi, sehinggo udi semaleak hamba tun luyen? Teak si je, teak si us, do'o adeba urusan tuanne su'ang. Tapi si bakea tep je, kerno Tuhan bekuaso jemago si tep je.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 3:23

Kerno kute tun bi menea duso ngen bi coa ade kemulioan Allah.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

ROMA 8:1

Awei'oba uyo coa ade hukuman utuk tobo'o de ade neak lem Kristus Yesus.

ROMA 8:24

Sebab ite senlamat lem pengharapan. Tapi pengharapan de kenliak, iso pengharapan igai; sebab awei ipe tun masiak ma'ep jano de kenliakne?

1 KORINTUS 15:1

Uyo, Saudaro-saudaro, uku lok udi minget igai Bito Baik kunei Allah de uku melei namen bel'o ngen udi. Udi temimone, lajau pecayo ngen Kristus kerno Bito Baik o.

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

EFESUS 6:13

Sebab o mokba kute perlengkapan senjato Allah, supayo udi dapet menea perlawanan pado bilai de kidek o ngen tep je, sesudo udi semlesei kute sesuaktau.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

WAHYU 21:11

Kota o penuak ngen kemulioan Allah ngen cahayone serai awei butau permata, awei butau baiduri panden de jeniak awei kristal.

WAHYU 21:23

Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.