ROMA 5:18 - JANJAI BLAU Lem Bahaso Jang Bebilai

¹⁸ Sebab o, serai awei kerno do pelanggaran kute tun dapet hukuman, awei o kulo kerno do perbuatan kebenaran kute tun dapet pembenaran utuk idup.

ROMA 5:18 ပူးပေါင်းရင်းမြစ်များ

YOHANES 1:7

Si teko sebagoi saksai utuk jijai saksai tetang te'ang'o, supayo liwet si kute tun jijai pecayo.

YOHANES 12:32

Tapi Uku yo, amen Uku bi nelekat das bumai, Uku bakea majok kute tun teko ngen Uku.”

YOHANES 3:26

Lajau tobo'o teko ngen Yohanes ngen madeak, “Rabi, tun de besamo-samo ngen Ko neak dipoa Bioa Yordan, uyo gidong membaptis. Ko kulo melei saksai tetang tun'o. Uyo kute tun teko ngen-Si.”

KISAH RASUL-RASUL 13:39

Dong neak lem Si tiep tun de pecayo jijai benea.

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

ROMA 4:25

Adeba Yesus, de sudo senreak kerno duso ite ngen nidup igai kerno pembenaran ite.

ROMA 5:12

Sebab o, serai awei duso bi masuk moi lem dunio kerno do tun, ngen kerno doso o kulo maut, awei'oba maut bi sapei ngen kute tun, kerno kute tun bi menea duso.

ROMA 5:15

Tapi karunio Allah coa serai ngen pelanggaran Adam. Sebab, amen kerno pelanggaran do tun kute tun bi us moi lem kuaso maut, uak lebiak lai kasih karunio Allah ngen karunio-Ne, de nelei-Ne das kute tun kerno do tun, adeba Yesus Kristus.

ROMA 5:19

Jijai serai awei kerno do tun coa taat kute tun bi jijai tun be duso, awei o kulo kerno ketaatan do tun kute tun jijai benea.

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

1 KORINTUS 15:22

Aweipe kute manusio matei kerno do ngen Adam, awei'o kulo kute bakea nidup, kerno do ngen Kristus.

IBRANI 2:9

Tapi ite bi kemliak Yesus berkuaso! Si jenijai rendeak didik kunei malaikat utuk waktau de siket, supayo das kebaikan atei Allah Si dapet matei utuk kute umat manusio. Ite kemliak Si uyo nelei penan de mulio ngen terhormat kerno Si bi menderita sapei matei.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

1 YOHANES 2:20

Tapi udi sudo temimo Roh Sucai kunei Yesus Kristus, do'o sebabne udi kutene kemnal ajaran de benea.