ROMA 5:17 - JANJAI BLAU Lem Bahaso Jang Bebilai

¹⁷ Sebab, amen kerno duso do tun, maut bi be kuaso kerno do tun o, mako lebiak benea igai tobo'o, de sudo temimo kelimpahan kasih karunia ngen anugrah kebenaran, bakea idup ngen bekuaso kerno do tun o, adeba Yesus Kristus.

ROMA 5:17 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

YOHANES 10:10

Tukang maling teko utuk maling ngen munuak ngen musak. Uku teko, supayo tobo'o temuan idup – idup de belebiak.

ROMA 5:12

Sebab o, serai awei duso bi masuk moi lem dunio kerno do tun, ngen kerno doso o kulo maut, awei'oba maut bi sapei ngen kute tun, kerno kute tun bi menea duso.

ROMA 5:15

Tapi karunio Allah coa serai ngen pelanggaran Adam. Sebab, amen kerno pelanggaran do tun kute tun bi us moi lem kuaso maut, uak lebiak lai kasih karunio Allah ngen karunio-Ne, de nelei-Ne das kute tun kerno do tun, adeba Yesus Kristus.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 6:14

Sebab ko coa bakea kenuaso duso igai, kerno udi coa ade neak beak hukum agamo Yahudi, tapi neak beak kasih karunio.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 8:39

atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.

1 KORINTUS 15:49

Serai awei ite uyo adeba awei Adam de jenijai kunei pitok, mako konyo ite bakea jijai awei Si de kunei surgo o.

1 KORINTUS 4:8

Memang udi coa perlu jejano igai! Udi bi kayo! Udi bi jijai rajo! Ngen keme coa. Padeak baikne amen udi benea-benea bi jijai rajo, supayo keme dapet meriteak besamo ko.

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 20:6

Riangba tun-tun de nidup igai lem tahap pertamo o. Tobo'o patas jijai de Allah temuan. Kematian tahap keduai coa bekuaso das tobo'o. Tobo'o bakea jijai imem-imem Allah ngen imem-imem Kristus. Ngen tobo'o bakea meriteak besamo Si seribau taun anne.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.