ROMA 5:14 - JANJAI BLAU Lem Bahaso Jang Bebilai

¹⁴ Kunyau awei o maut sudo bekuaso kunei zaman Adam sapei zaman Musa kulo das tobo'o, de coa menea duso ngen ca'o de serai awei de sudo nea Adam, de adeba gambaran Si de bakea teko.

ROMA 5:14 ပူးပေါင်းရင်းမြစ်များ

ROMA 5:12

Sebab o, serai awei duso bi masuk moi lem dunio kerno do tun, ngen kerno doso o kulo maut, awei'oba maut bi sapei ngen kute tun, kerno kute tun bi menea duso.

ROMA 5:17

Sebab, amen kerno duso do tun, maut bi be kuaso kerno do tun o, mako lebiak benea igai tobo'o, de sudo temimo kelimpahan kasih karunia ngen anugrah kebenaran, bakea idup ngen bekuaso kerno do tun o, adeba Yesus Kristus.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

ROMA 8:20

Kerno kute makhluk bi aleak ngen sesio, iso ngen kelokne su'ang, tapi kelok Allah, de sudo maleakne.

ROMA 8:22

Seba ite namen, bahwo sapei uyo kute makhluk samo-samo gerunyam ngen samo-samo meding gis waktau melaher.

1 KORINTUS 15:22

Aweipe kute manusio matei kerno do ngen Adam, awei'o kulo kute bakea nidup, kerno do ngen Kristus.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

IBRANI 9:27

Allah bi temtep bahwo manusio matei debat bae, sesudo'o Allah nhukum.