ROMA 4:16 - JANJAI BLAU Lem Bahaso Jang Bebilai

¹⁶ Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

ROMA 4:16 ပူးပေါင်းရင်းမြစ်များ

LUKAS 19:9

Nadeak Yesus ngen si, “Bilai yo bi tejijai keselamatan ngen seisai umeak yo, kerno tun yo kulo anok Abraham.

ROMA 15:8

Sebab, tingetba, bahwo Kristus sudo mlayani tun Yahudi utuk melei namen bahwo Allah setia lem tempat janjai-Ne ngen ninik puyang ite.

ROMA 3:22

adeba kebenaran Allah kerno imen lem Yesus Kristus utuk kute tun de pecayo. Sebab coa ade bedane.

ROMA 3:30

Taine, amen ade do Allah, de bakea menea tun-tun Yahudi baik igai ngen Allah kerno tobo'o percayo. Baik igai ngen Allah, tun Yahudi kulo iso Yahudi.

ROMA 4:11

Ngen tando sunat o tenimone sebagai matrai kebenaran das dasar imen de kentenne, ayok si senunat. Awei'oba si dapet jijai bapa kute tun pecayo de coa senunat, supayo kebenaran nitung ngen tobo'o.

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

ROMA 9:8

Taine: Iso anok-anok temurut tabi'at manusio adeba anok-anok Allah, tapi anok-anok perjanjian de senbut royot de benea.

GALATIA 3:14

Yesus Kristus bi menea hal o, supayo neak lem Si berkat Abraham sapei ngen bangso-bangso luyen, sehinggo liwet imen ite temimo Roh Allah de jenanjai o.

GALATIA 3:16

Janjai-janjai Allah nea Allah utuk Abraham ngen utuk tun royot Abraham. Lem Kiteb Sucai coa tetulis “ngen utuk tun-tun royot Abraham”, de taine dau tun. De tetulis neak di adeba “ngen utuk tun royotnu”, taine do tun bae, adeba Kristus.

GALATIA 3:22

Tapi neak lem Kiteb Sucai tetulis bahwo kute umat manusio ade neak beak kuaso duso. Kerno o, pelei de jenanjai das dasar pecayo ngen Yesus Kristus nelei ngen tobo'o de pecayo.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

EFESUS 2:8

Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

2 PETRUS 1:10

Sebab o, Saudaro-saudaro, beusahoba lebiak giat supayo panggilan Allah ngen Piliak-Ne das dirainu o jijai semakin teguak. Amen udi menea o, udi coa bakea murtad.