ROMA 3:5 - JANJAI BLAU Lem Bahaso Jang Bebilai

⁵ Tapi amen keadilan Allah jijai tambeak nyato, kerno ite menea de coa benea, jano de lok ite madeak? Bahwo Allah coa adea amen Si mukum ite?

ROMA 3:5 ပူးပေါင်းရင်းမြစ်များ

ROMA 12:19

Saudaro-saudaroku terkasih, jibeakba debat bae udi dendem, tapi meleiba penan ngen murka Allah, sebab ade tetulis: “Pembalasan o adeba hok-Ku. Ukuba de bakea mukumne, nadeak Tuhan.”

ROMA 2:5

Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

ROMA 3:19

Tapi ite namen, bahwo kute de ade neak lem Kiteb hukum agamo Yahudi adeba utuk tobo'o de idup neak beak hukum agamo Yahudi. Ngen awei o coa su'ang tun dapet melei alasan jejano igai ngen kute dunio dapet ukuman Allah.

ROMA 3:7

Tapi amen kebenaran Allah kerno dustaku tambeak melimpah utuk kemulioan-Ne, getai uku masiak nukum igai sebagai tun beduso?

ROMA 4:1

Jijai jano de bakea ite madeak tetang Abraham, Bapa leluhur ite?

ROMA 5:8

Tapi Allah kemten kasih-Ne ngen ite, kerno Kristus bi matei utuk ite, ketiko ite masiak beduso.

ROMA 6:1

Amen awei o, jano de lok ite madeak? Jano buliak ite bogoa menea duso, supayo tambeak kasih karunia o?

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

ROMA 7:7

Amen awei o, jano de lok ite nadeak? Jano hukum agamo Yahudi o duso? Paset bae coa! Sebelekne, justru kerno hukum agamo Yahudi uku bi kemnal duso. Kerno uku kulo coa namen jano do'o kelok, amen hukum agamo Yahudi coa madeak, “Jibeak lok!”

ROMA 8:31

Sebab o jano de bakea ite nadeak tetang kutene o? Amen Allah neak pihak ite, api de bakea melawen ite?

ROMA 9:30

Amen awei o, jano de lok ite madeak? Dio: Bahwo bangso-bangso luyen de coa mesoa kebenaran, bi dapet kebenaran, adeba kebenaran kerno imen.

1 KORINTUS 15:32

Amen do'o cuma kunei manusio bae, jano utungne bagiak uku utuk bejuang awei mlawan benatang-benatang buas neak kota yo, neak Efesus? Amen memang tun matei coa nidup igai, lebiak baik ite temotoa pribahasa yo, “Maro ite embuk, menem ngen beriang, sebab men ite bakea matei.”

1 KORINTUS 9:8

Uku madeak o iso cuma kunei de patut lem kehidupan bebilai, tapi kerno Kiteb Sucai madeak hal kulo.

2 KORINTUS 6:4

Sebelekne, lem kute hal, keme melei namen bahwo keme adeba hamba-hamba Allah. Sebab, kute mecem saro bi keme temimo ngen sabar:

2 KORINTUS 7:11

Cubo udi perhatikan jano aseane utuk ko ngen kesedihan de temurut kelok Allah! Aseane adeba udi sungguak-sungguak berusaho utuk njeniak de keruh! Udi jijai jengiak teadep duso, udi saben, udi indau, udi jijai semangat, udi rela mukum de saleak! Lem kute persoalan yo udi bi melei namen bahwo udi coa saleak.

GALATIA 2:18

Amen uku muloi menea igai pola hukum agamo de sudo uku musak, mako uku melei namen bahwo uku bi jijai pelanggar hukum.

GALATIA 3:15

Saudaro-saudaro, baikba uku makei contoh kunei pengalaman bebilai. Amen tun menea suaktau ikatan janjai ngen janjai o bi sah, mako coa suang kulo dapet mbuye janjai o, atau tenambeak ngen sesuaktau kulo.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!