ROMA 3:22 - JANJAI BLAU Lem Bahaso Jang Bebilai

²² adeba kebenaran Allah kerno imen lem Yesus Kristus utuk kute tun de pecayo. Sebab coa ade bedane.

ROMA 3:22 ပူးပေါင်းရင်းမြစ်များ

LUKAS 15:22

Tapi bak o madeak ngen pelayan-pelayanne, ‘Gacangba mbin moi miyo jubah de kembiak baik, neleiba si makei bajau'o. Nelei si cicin pado ji'aine ngen sepatu pado kekeane.

KISAH RASUL-RASUL 11:12

Lajau roh'o madeak, ‘Lalauba besamo tobo'o ngen coa reragau!’ Keenum pasuak yo kulo semerto uku. Keme masuk moi lem umeak tun'o,

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

KISAH RASUL-RASUL 3:16

Kerno kepercayaan ngen Gen Yesus, mako Gen o kemuet tun de udi kemliak ngen kemnal yo; kepercayaan o bi melei tun yo ka'en neak adep udi kutene.

ROMA 1:17

Sebab neak lemne nyato kebenaran Allah, de bertolak kunei imen ngen mipin imen, awei ade tetulis, “Tun benea bakea idup ngen imen.”

ROMA 10:12

Sebab coa ade bedane tun Yahudi ngen iso Yahudi. Kerno, Allah de do o adeba Tuhan kunei kute tun, kayo utuk kute tun de minoi tulung ngen-Si.

ROMA 10:4

Sebab Kristus adeba kegenapan hukum agamo Yahudi, sehinggo kebenaran dapet ngen tiep-tiep tun de pecayo.

ROMA 2:1

Kerno o, Saudaro-saudaro, api bae udi, de mukum tun luyen, ko suang coa bebas kunei saleak. Sebab, lem mukum tun luyen, ko mukum dirainu suang, kerno ko de mukum tun luyen, menea hal-hal de serai.

ROMA 3:30

Taine, amen ade do Allah, de bakea menea tun-tun Yahudi baik igai ngen Allah kerno tobo'o percayo. Baik igai ngen Allah, tun Yahudi kulo iso Yahudi.

ROMA 4:16

Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

ROMA 8:1

Awei'oba uyo coa ade hukuman utuk tobo'o de ade neak lem Kristus Yesus.

ROMA 9:30

Amen awei o, jano de lok ite madeak? Dio: Bahwo bangso-bangso luyen de coa mesoa kebenaran, bi dapet kebenaran, adeba kebenaran kerno imen.

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

1 KORINTUS 4:7

Api de manggap Saudaro lebiak kunei tun luyen? Iso kute sesuaktau Saudaro temimo kunei Allah? Jijai, getai lok ombong, seolah-olah jano de ade ngen Saudaro o iso sesuaktau de nelei?

GALATIA 2:16

Kunyau awei o keme namen bahwo tun baik igai ngen Allah cuma kerno pecayo ngen Yesus Kristus, ngen iso kerno maneu hukum agamo. Keme suang kulo pecayo ngen Yesus Kristus, supayo keme baik igai ngen Allah liwet imen keme o, iso kerno keme maneu hukum agamo. Sebab ngen maneu hukum agamo, coa suang kulo nam baik igai ngen Allah.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

GALATIA 3:22

Tapi neak lem Kiteb Sucai tetulis bahwo kute umat manusio ade neak beak kuaso duso. Kerno o, pelei de jenanjai das dasar pecayo ngen Yesus Kristus nelei ngen tobo'o de pecayo.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

KOLOSE 3:11

Lem hal yo coa ade igai tun Yunani atau tun Yahudi, tun besunat atau tun coa besunat, orang Barbar atau Skit, budok atau tun bebas, tapi Kristus adeba kutene ngen Si jijai do ngen tobo'o kutene.

YAKOBUS 2:23

Do'o sesuai ngen ayat Kiteb Sucai yo, “Abraham pecayo ngen Allah, kerno imenne o Allah temimone sebagai tun de menea kelok Allah.” Do'o sebabne Abraham senbut, “Kuat Allah”.