ROMA 3:20 - JANJAI BLAU Lem Bahaso Jang Bebilai

²⁰ Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

ROMA 3:20 ပူးပေါင်းရင်းမြစ်များ

KISAH RASUL-RASUL 13:39

Dong neak lem Si tiep tun de pecayo jijai benea.

ROMA 2:13

Kerno iso tun de temi'uk hukum agamo Yahudi de benea neak adep Allah, tapi tun de kemerjo hukum agamo Yahudiba de bakea benea.

ROMA 3:28

Kerno keme yakin, bahwo manusio jijai benea kerno imen, ngen iso kerno si kemerjo hukum agamo Yahudi.

ROMA 4:13

Sebab iso kerno hukum agamo Yahudi sudo nelei janjai ngen Abraham ngen royotne, bahwo si bakea temuan dunio, tapi kerno kebenaran, das dasar imen.

ROMA 4:15

Kerno hukum agamo Yahudi mako tejijaiba hukuman Allah, tapi neak ipe coa ade hukum agamo Yahudi, neak di kulo coa ade pelanggaran.

ROMA 5:13

Sebab ayok hukum agamo Yahudi ade, bi ade duso neak dunio. Tapi duso o coa nitung amen coa ade hukum agamo Yahudi.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

ROMA 7:11

Sebab lem periteak o, duso dapet kesepatan utuk ngike uku ngen kerno periteak o si munuak uku.

ROMA 9:32

Getai coa? Kerno Israel mesoa iso kerno imen, tapi kerno plep. Tobo'o jijai tebtut pado butau de menea tun jijai tebtut.

1 KORINTUS 15:56

Bisai matei adeba duso, ngen duso maneu kerjone liwet ukum agamo.

GALATIA 2:16

Kunyau awei o keme namen bahwo tun baik igai ngen Allah cuma kerno pecayo ngen Yesus Kristus, ngen iso kerno maneu hukum agamo. Keme suang kulo pecayo ngen Yesus Kristus, supayo keme baik igai ngen Allah liwet imen keme o, iso kerno keme maneu hukum agamo. Sebab ngen maneu hukum agamo, coa suang kulo nam baik igai ngen Allah.

GALATIA 2:19

Tapi uku bi matei ngen hukum agamo utuk hukum agamo, supayo uku idup utuk Allah. Uku bi senalib ngen Kristus.

GALATIA 5:4

Udi lepas kunei Kristus, amen udi ma'ep pembenaran liwet hukum agamo; udi ade neak luea anugerah.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.