ROMA 2:8 - JANJAI BLAU Lem Bahaso Jang Bebilai

⁸ Allah murka ngen tobo'o de mesoa kepetingan suang, de coa taat ngen kebenaran, tapi taat ngen kelaliman.

ROMA 2:8 ပူးပေါင်းရင်းမြစ်များ

ROMA 1:18

Kunei surgo Allah kemten murko-Ne teadep kute duso ngen kejahatan manusio, sebab kejahatan menghalangi manusio utuk kemnal ajaran benea tetang Allah.

ROMA 10:16

Tapi coa kute tun bi temimo Bito Baik o. Yesaya su'ang bae madeak, “Tuhan, api de pecayo ngen bito keme?”

ROMA 15:18

Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

ROMA 9:22

Jijai, amen utuk kemten murka-Ne ngen kemten kuaso-Ne, Allah melei kesabaran de lai teadep benda-benda kemurkaan-Ne, de sudo seniap utuk kebinasaan –

1 KORINTUS 11:16

Kerno o, amen ade de lok tekea tetang masalah yo, uku cuma dapet madeak bahwo baik ite atau jemaat Allah luyenne, cuma temuan kebiasaan lem jemaat; luyen kunei do'o coa gen.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

GALATIA 5:20

nyembeak patung, selisiak, iri atei, gacang mengiak, peting ngen dirai suang, musuak, perpecahan,

FILIFI 1:17

Tapi tun luyen melei namen Kristus ngen maksud de coa baik; tobo'o melei namen utuk kepetinganne suang. Ngen o tobo'o ma'ep dapet menea uku lebiak saro neak lem sel.

FILIFI 2:3

Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang.

2 TESALONIKA 1:8

ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

TITUS 3:9

Ne'uakba selisiak de coa ade gunone, cerito-cerito asal usul, tekea, belago tetang hukum agamo. Kutene o coa ade gunone ngen coa ade utungne.

IBRANI 10:27

Dodone de ade utuk ite adeba madep pengadilan Allah ngen opoi de kembiak lai de bakea mbem kute tun-tun de melawen Si!

IBRANI 11:8

Kerno berimen, mako Abraham taat, Allah menok ngen meluak lalau moi negrai de Allah jemanjai ngenne. Lajau Abraham berakat ngen coa namen moi ipe bakea lalau.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

YAKOBUS 3:14

Tapi amen udi nyebuau, gis atei ngen meker dirai su'ang, jibeakba ombong ngen kebijaksanaan o, kerno ngen o udi ngike melawen kebenaran kunei Allah.

YAKOBUS 3:16

Neak ipe ade nyebuau ngen sipet meker dirai su'ang, neak di kulo ade kekacauan ngen kute mecem perbuatan de kidek.

1 PETRUS 3:1

Awei o kulo udi, ngenyan-ngenyan, harus hormat ngen maten supayo amen neak antaro tobo'o ade de coa pecayo ngen bito kunei Allah, perbuatannu dapet menea tobo'o jijai pecayo. Ngen coa perlu udi madeak jejano ngen tobo'o,

1 PETRUS 4:17

Sudo sapei waktaune Allah madea dunio. Ngen umat Allah suangba de bakea nadea telebiak dute. Nah, amen Allah bakea muloi ngen ite, awei ipe jijaine konyo ngen tun-tun de coa pecayo ngen Bito Baik kunei Allah?

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 16:19

Kota de lai o pecuak jijai telau bagian, ngen ajuaba kulo kota-kota kute negara neak dunio. Lajau Allah tinget ngen Babel de lai o. Mako Allah menea si mbuk anggur kunei penan anggur Allah – adeba anggur murka Allah de lai.