ROMA 2:5 - JANJAI BLAU Lem Bahaso Jang Bebilai

⁵ Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

ROMA 2:5 ပူးပေါင်းရင်းမြစ်များ

ROMA 1:18

Kunei surgo Allah kemten murko-Ne teadep kute duso ngen kejahatan manusio, sebab kejahatan menghalangi manusio utuk kemnal ajaran benea tetang Allah.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 9:22

Jijai, amen utuk kemten murka-Ne ngen kemten kuaso-Ne, Allah melei kesabaran de lai teadep benda-benda kemurkaan-Ne, de sudo seniap utuk kebinasaan –

2 KORINTUS 5:10

Sebab paset ite kute bakea mbin moi adep pengadilan Kristus, memasing bakea dapet balasan setimpal ngen plepne neak dunio yo, baik atau kidek.

2 TESALONIKA 1:5

Do'o adeba bukti tetang adeane penghakiman Allah: Udi bi meding saro kerno Dunio Blau Allah, ngen kerno o udi bakea nanggap patas utuk masuk moi lem kerajaan Allah.

IBRANI 3:13

Jijai, supayo coa ade suang kulo kunei udi de keno pike ngen duso sehinggo melawen Allah, lokba udi saling melei nasihat tiep bilai selamo ite masiak idup lem zaman de senbut “Bilai Yo” lem Kiteb Sucai.

IBRANI 3:15

Dioba de tetulis lem Kiteb Sucai, “Amen pado bilai yo udi temi'uk saei Allah, jibeakba udi telo ulau, awei ninik puyangnu, ketiko tobo'o mbrutak teadep Allah.”

IBRANI 4:7

Kerno Allah bi temtau suaktau bilai de luyen igai, de senbut “Bilai Yo”. Betaun-taun sesudo'o Allah miling tetang hal o liwet Daud, lem ayat de tenulis nano, “Amen pado bilai yo udi temi'uk saei Allah, jibeakba udi telo ulau.”

YAKOBUS 5:3

Mas ngen piroknu bi ka'et; ka'etne bakea jijai saksai melawen udi ngen bakea mbuk awoknu awei opoi. Udi bi melungguk hok pado zaman de gidong berakhir.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.

WAHYU 6:17

Bilai lai bi sapei, uyo tobo'o mengiak, coa suang kulo dapet taen teadep tobo'o!”