ROMA 2:4 - JANJAI BLAU Lem Bahaso Jang Bebilai

⁴ Jano ko lok manggap mudeak kekayaan kemurahan-Ne, kesabaran-Ne ngen kelapangan atei-Ne? Jano udi coa namen, bahwo maksud kemurahan Allah adeba menea udi jijai tobat?

ROMA 2:4 ပူးပေါင်းရင်းမြစ်များ

ROMA 10:12

Sebab coa ade bedane tun Yahudi ngen iso Yahudi. Kerno, Allah de do o adeba Tuhan kunei kute tun, kayo utuk kute tun de minoi tulung ngen-Si.

ROMA 11:22

Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

ROMA 11:33

Padeak hebatne kekayaan, hikmat ngen pengetahuan Allah! Sungguak coa dapet senlidik keputusan-Ne ngen sungguak coa dapet ngertai dalen-dalen-Ne!

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

ROMA 6:1

Amen awei o, jano de lok ite madeak? Jano buliak ite bogoa menea duso, supayo tambeak kasih karunia o?

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

2 KORINTUS 8:2

Tobo'o bi cenubo ngen bebagoi derito, tapi neak tengeak-tengeak derito-derito o, tobo'o riang ngen kebiak mu'eak atei lem melei sumbangan utuk temulung tun luyen, kunyau tobo'o peset sekilai.

EFESUS 1:18

Uku minoi supayo Allah mukok pekerannu sehinggo jijai te'ang: supayo udi ngertai jano de udi ma'ep kunei Allah de menok udi. Kulo supayo udi namen kebiak dau berkat-berkat de baik de seniap Allah utuk umat-Ne;

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 2:4

Tapi padeak laine kemurahan atei Allah! Si kebiak mengasihi ite,

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

EFESUS 3:16

Uku bedu'o semoga Allah de maho mulio kemuet batinnu ngen Roh-Ne.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

FILIFI 4:19

Allah de uku sembeak, de kembiak kayo lem Kristus Yesus, bakea melei kute de udi perlu.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

1 TIMOTIUS 1:16

Tapi justru kerno'oba Allah mengasihi uku, supayo Kristus Yesus dapet kemten kute kesabaran-Ne te'adep uku, tun de kembiak beduso yo. Ngen dio jijai suaktau contoh utuk kute tun de be bakea pecayo ngen-Si ngen dapet idup sejati ngen kekal.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

2 PETRUS 3:3

Pertamo-tamo, udi harus namen bahwo pado bilai-bilai terakhir, bakea timboa tun-tun de idupne kenuaso hawo nafsu tobo'o su'ang. Tobo'o bakea mino udi

2 PETRUS 3:9

Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.

WAHYU 2:21

Sesudo Uku melei ngen si kesepatan utuk tobat kunei duso-dusone, tapi si coa lok bedan menea hal-hal de zinah o.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.