ROMA 2:3 - JANJAI BLAU Lem Bahaso Jang Bebilai

³ Ngen ko, saudaro-saudaro, ko lok mukum tobo'o de menea awei o, tapi ko suang meneane kulo, jano ko peker bahwo ko bakea bebas kunei hukuman Allah?

ROMA 2:3 ပူးပေါင်းရင်းမြစ်များ

MATIUS 23:33

Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako?

MATIUS 26:53

Udi kemiro Uku coa dapet minoi tulung ngen Bak-Ku, ngen Si segro bakea kemirim lebiak kunei duai belas pasukan tentra malaikat?

LUKAS 12:14

Tapi Yesus madeak ngen si, “Hoi udi, api de bi maket Uku jijai hakim atau tukang magiak warisan antaro udi beduai?”

LUKAS 22:58

Coa kedau an sesudo'o suang tun luyen kemliak si lajau madeak, “Ko kulo suang kunei tobo'o!” Tapi Petrus madeak, “Iso, uku coa!”

LUKAS 22:60

Tapi Petrus madeak, “Iso, uku coa namen jano de udi nadeak.” Saat o kulo, sementaro si madeak, bekokokba monok.

ROMA 1:32

Sebab kunyau tobo'o namen tuntutan-tuntutan hukum Allah, adeba bahwo tiep tun de menea hal-hal o, patut nukum matei, tobo'o iso bae meneane suang, tapi tobo'o kulo tujau ngen tobo'o de meneane.

ROMA 2:1

Kerno o, Saudaro-saudaro, api bae udi, de mukum tun luyen, ko suang coa bebas kunei saleak. Sebab, lem mukum tun luyen, ko mukum dirainu suang, kerno ko de mukum tun luyen, menea hal-hal de serai.

ROMA 2:2

Tapi ite namen, bahwo Allah melei hukuman seca'o jujur das tobo'o de menea awei o.

ROMA 9:20

Api ko, hoi manusio, mako udi membantah Allah? Jano dapet de nea madeak ngen de meneanne, “Getai ko menea uku awei yo?”

1 TESALONIKA 5:3

Amen tun madeak, “Kutene aman ngen tentram,” mako pado waktau o ba tetibo tobo'o bakea ditimpa kebinasoan, ngen coa suang tun kulo dapet lolos. Hal o bakea tejijai tetibo, awei suang selawei meding gis waktau lok melaher.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.