ROMA 2:29 - JANJAI BLAU Lem Bahaso Jang Bebilai

²⁹ Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

ROMA 2:29 ပူးပေါင်းရင်းမြစ်များ

LUKAS 11:39

Tapi Tuhan madeak ngen si, “Udi tun-tun Farisi, udi mersih de luea kunei makuk ngen pinggan, tapi de neak lem ateinu penuak kekerasan ngen kejahatan.

LUKAS 17:21

sehinggo tun dapet madeak, ‘Maro kenliak, si ade neak piyo atau si ade neak di!’ Sebab sesungguakne bahwa Allah sudo memeriteak neak tengeak-tengeak udi.”

YOHANES 12:43

Tobo'o lebiak galok dapet pujai manusio kunei hormat Allah.

YOHANES 4:23

Tapi saatne bakea teko ngen sudo sapei uyo, bahwo penyembeak-penyembeak benea; bakea menyembeak Bapa lem Roh ngen de benea; sebab Bapa mesoa tun-tun de nyembeak Si seca'o awei yo.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 2:27

Amen awei o, mako tun de coa senunat, tapi kemerjo hukum agamo Yahudi, bakea mukum udi de temuan hukum tetulis ngen sunat, tapi de melanggea hukum agamo Yahudi.

ROMA 3:1

Amen awei o, jano kelebihan tun Yahudi ngen jano gunone sunat?

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 KORINTUS 7:19

Sebab temotoa peraturan sunat atau coa temotoane, keduaine sesamo coa ade taine. De penting adeba temotoa periteak-periteak Allah.

2 KORINTUS 10:18

Sebab iso tun de mujai dirai de taen cenubo, meluyen tun de nujai Tuhan.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

1 TESALONIKA 2:4

Coa! Keme coa miling utuk semnang atei tun, tapi utuk semnang atei Allah, de cemubo atei keme. Sebab Allah manggap keme patas utuk melei namen Bito Baik o.

1 PETRUS 3:4

Sebelekne, lokba kecantikannu ade kunei lem batin, budi pekerti de lemah lembut ngen tenang; do'oba kecantikan kekea de kembiak bego temurut pandangan Allah.