ROMA 2:22 - JANJAI BLAU Lem Bahaso Jang Bebilai

²² Ko de madeak, “Jibeak berzina,” getai ko su'ang berzina? Ko de jengik ngen kute patung, getai ko su'ang merapok umeak patung?

ROMA 2:22 ပူးပေါင်းရင်းမြစ်များ

MATIUS 12:39

“Padeak jahatne ngen durhakone tun-tun zaman uyo!” Yesus jemawab. “Udi minoi Uku menea mujizat? Udi coa bakea nelei mujizat kulo, seluyen mujizat Nebai Yunus.

MATIUS 16:4

“Padeak jahatne ngen durhakone tun-tun zaman yo. Udi minoi Uku menea mujizat. Udi coa bakea nelei do mujizat kulo seluyen mujizat Nebai Yunus.”

MARKUS 11:17

Lajau Si majea tobo'o, nadeak-Ne, “Iso ade tetulis: Umeak-Ku bakea sembut umeak du'o utuk kute bangso? Tapi udi yo bi jemijaine penan perapok!”

KISAH RASUL-RASUL 19:37

Sebab udi bi mbin tun-tun yo moi piyo, kunyau tobo'o coa merapok umeak dewi te ngen coa nino genne.

ROMA 12:9

Lokba kasih o jibeak pepurak! Ne'uakba de coa baik ngen neaba de baik.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.