ROMA 2:17 - JANJAI BLAU Lem Bahaso Jang Bebilai

¹⁷ Tapi, amen udi madeak diraine tun Yahudi ngen bepegong ngen hukum agamo Yahudi, jijai bangga lem Allah.

ROMA 2:17 ပူးပေါင်းရင်းမြစ်များ

MATIUS 3:9

Jibeak kiro ko nam keluea kunei ukuman, ngen madeak Abraham adeba ninik puyongnu. Ingetba Allah nam jemijai turunan Abraham kunei butau-butau yo!

LUKAS 10:28

Nadeak Yesus ngen si, “Jawab udi o benea; meneaba awei yo, mako udi bakea idup.”

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

YOHANES 5:45

Jibeak udi sako bahwo Uku bakea mukum udi neak adep Bapa. De mukum udi adeba Musa, ngen si ko mpek harapan.

YOHANES 7:19

Musa de bi melei ukum agamo Yahudi ngen ko? Tapi coa suang tun neak antaro udi de menea ukum agamo Yahudi o. Getai udi berusaho munuak Uku?”

YOHANES 8:33

Jawab tobo'o, “Keme adeba royot Abraham ngen coa perneak jijai pelayan api bae. Awei Ko dapet madeak: ‘Udi bakea mbebas’?”

YOHANES 8:41

Udi kemerjo kerjo baknu suang.” Jawab tobo'o, “Keme coa laher kunei nga'em. Bak keme do, adeba Allah.”

ROMA 2:23

Ko bangga das hukum agamo Yahudi, getai ko su'ang mino Allah ngen melanggea hukum agamo Yahudi o?

ROMA 3:27

Jijai amen awei o, jano alasan ite utuk bangga? Coa ade! Getai awei o? Jano kerno plep? Coa, tapi kerno imen!

ROMA 9:32

Getai coa? Kerno Israel mesoa iso kerno imen, tapi kerno plep. Tobo'o jijai tebtut pado butau de menea tun jijai tebtut.

2 KORINTUS 11:22

Jano tobo'o tun Ibrani? Uku kulo tun Ibrani! Jano tobo'o tun Israel? Uku kulo tun Israel. Jano tobo'o tembo Abraham? Uku kulo tembo Abraham!

GALATIA 2:15

Memang temurut laherne, keme adeba tun Yahudi ngen iso “tun iso Yahudi de beduso”.

EFESUS 2:11

Kerno o, tingetba bahwo bel'o udi adeba tun-tun iso Yahudi seca'o jasmani, de senbut tun-tun coa senunat ngen tobo'o de madeak diraine “senunat”, adeba sunat lahiriah de nea tangen manusio.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:9

Tingetba dio: Tun-tun de jijai umat Iblis o, pendusta-pendusta de makau diraine tun Yahudi padahal iso, Uku nea tobo'o sehinggo teko sujud neak adep nu. Ngen tobo'o bakea namen bahwo Uku mengasiak udi.