ROMA 2:14 - JANJAI BLAU Lem Bahaso Jang Bebilai

¹⁴ Amen bangso-bangso luyen de coa temuan hukum agamo Yahudi ngen kelok diraine suang menea jano de neriteak hukum agamo Yahudi, mako, kunyau tobo'o coa temuan hukum agamo Yahudi, atei tobo'oba de jijai hukum utuk tobo'o suang.

ROMA 2:14 ပူးပေါင်းရင်းမြစ်များ

KISAH RASUL-RASUL 10:35

Tun de saben ngen Allah ngen menea de benea, tun o tenimo Allah, coa dulai si kunei bangso jano.

KISAH RASUL-RASUL 14:16

Pado jaman mena'o Allah munyau kute bangso temurut dalenne sesuang.

KISAH RASUL-RASUL 17:30

Coa kemliak igai zaman kebodohan, uyo Allah meriteak kute tun neak ipe bae utuk tobat.

ROMA 1:32

Sebab kunyau tobo'o namen tuntutan-tuntutan hukum Allah, adeba bahwo tiep tun de menea hal-hal o, patut nukum matei, tobo'o iso bae meneane suang, tapi tobo'o kulo tujau ngen tobo'o de meneane.

ROMA 2:12

Sebab kute tun de beduso kerno coa namen hukum agamo Yahudi bakea benaso kerno coa namen hukum agamo Yahudi. Ngen kute tun de beduso neak beak hukum agamo Yahudi bakea nukum ngen hukum agamo Yahudi.

ROMA 2:15

Sebab ngen awei'oba tobo'o kemten bahwo isai hukum agamo Yahudi ade tetulis neak lem atei tobo'o. Atei nurani tobo'o kulo de jijai saksai sebab tobo'o suang ade masone senaleak ngen ade masone benea.

ROMA 2:27

Amen awei o, mako tun de coa senunat, tapi kemerjo hukum agamo Yahudi, bakea mukum udi de temuan hukum tetulis ngen sunat, tapi de melanggea hukum agamo Yahudi.

1 KORINTUS 11:14

Neak ipe bae ite kemliak bahwo amen semanei bukne panjang, do'o coa patut.

1 KORINTUS 9:21

Te'adep tun de iso Yahudi, uku besikep awei suang de iso Yahudi, de idup neak luea ukum Musa. Uku menea o supayo uku dapet temarik tobo'o jijai penotoa Kristus. Tapi do'o coa ade taine bahwo uku coa taat ngen periteak-periteak Allah; sebelekne uku kenuaso periteak-periteak Kristus.

EFESUS 2:12

Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.