ROMA 2:1 - JANJAI BLAU Lem Bahaso Jang Bebilai

¹ Kerno o, Saudaro-saudaro, api bae udi, de mukum tun luyen, ko suang coa bebas kunei saleak. Sebab, lem mukum tun luyen, ko mukum dirainu suang, kerno ko de mukum tun luyen, menea hal-hal de serai.

ROMA 2:1 ပူးပေါင်းရင်းမြစ်များ

LUKAS 12:14

Tapi Yesus madeak ngen si, “Hoi udi, api de bi maket Uku jijai hakim atau tukang magiak warisan antaro udi beduai?”

LUKAS 19:22

Nadeakne ngen tun o, ‘Hoi pelayan de kidek, uku bakea makim ko temurut keceknu suang. Ko sudo namen bahwo uku adeba tun de kejam, de mok jano de coa perneak uku mpek ngen mopoa jano de coa uku temanem.

LUKAS 6:37

“Jibeakba makim tun luyen, supayo udi suang kulo jibeak Allah makim. Jibeakba mukum tun luyen, supayo udi suang kulo jibeak Allah mukum. Napunba tun luyen, supayo Allah kulo mapun udi.

ROMA 14:22

Kunyauba jano de saudaro cayo o, saudaro nea neak adep Allah bae utuk saudaro su'ang. Tun de coa temuan alasan utuk meding saleak ngen jano de nanggapne benea, tun o riang.

ROMA 2:2

Tapi ite namen, bahwo Allah melei hukuman seca'o jujur das tobo'o de menea awei o.

ROMA 2:3

Ngen ko, saudaro-saudaro, ko lok mukum tobo'o de menea awei o, tapi ko suang meneane kulo, jano ko peker bahwo ko bakea bebas kunei hukuman Allah?

ROMA 3:9

Jijai awei ipe? Jano ite temuan kelebihan kunei pado tun luyen? Samo sekilai coa. Sebab neak das bi ite nadeak baik tun Yahudi, atau iso Yahudi, mako tobo'o kute ade neak beak kuaso duso.

ROMA 9:20

Api ko, hoi manusio, mako udi membantah Allah? Jano dapet de nea madeak ngen de meneanne, “Getai ko menea uku awei yo?”

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 KORINTUS 7:16

Kerno Saudaro sebagai pengaten selawei – de sudo pecayo ngen Tuhan – awei ipe Saudaro pacok namen ngen paset bahwo Saudaro coa dapet semlamat sematennu? Awei'o kulo Saudaro pacok namen ngen paset bahwo Saudaro coa dapet senlamat pengaten selaweinu?

YAKOBUS 2:20

Udi bodong nien! Jano udi perlu bukti bahwo coa ade gunone temuan imen tapi coa kemerjone?

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.