ROMA 16:9 - JANJAI BLAU Lem Bahaso Jang Bebilai

⁹ Semapei hormat uku ngen Urbanus, kuat ite de bekerjo besamo-samo ngen ite utuk Kristus. Kulo hormatku ngen Stakhis de uku kasihi.

ROMA 16:9 ပူးပေါင်းရင်းမြစ်များ

ROMA 16:21

Timotius, kuatku, semapei salamne ngen udi. Awei o kulo Lukius, Yason ngen Sosipater, de do sukau bangso ngen uku.

ROMA 16:7

Semapei kulo salamku ngen Andronikus ngen Yunias. Tobo'o do sukau bangso ngen uku, ngen perneak masuk sel besamo-samo uku. Ayok uku pecayo ngen Kristus, tob'o bi lebiak dute pecayo. Tobo'o terkenal neak antaro para rasul.

ROMA 16:8

Salam ngen Ampliatus, de uku kasihi kerno si samo-samo ngen uku bi jijai do ngen Tuhan.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

2 KORINTUS 12:2

Uku namen tetang suang tun neak lem Kristus; pat blas taun de sudo – teak neak lem awok, uku coa namen, teak neak luea awok, uku coa namen, Allah de namenne – tun o seketiko'o naket moi tiket ke telau kunei surgo.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

GALATIA 1:22

Sapei pado waktau o jemaat-jemaat Kristen neak Yudea masiak ati namen ngen uku seca'o langsung.

FILIFI 2:25

Tetang saudaro ite Epafroditus de udi mbo utuk temulung uku, uku meraso perlu utuk meluak si belek igai ngen udi. Si bi kemuat uku lem kerjo ngen bejuangan.