ROMA 15:8 - JANJAI BLAU Lem Bahaso Jang Bebilai

⁸ Sebab, tingetba, bahwo Kristus sudo mlayani tun Yahudi utuk melei namen bahwo Allah setia lem tempat janjai-Ne ngen ninik puyang ite.

ROMA 15:8 ပူးပေါင်းရင်းမြစ်များ

MATIUS 15:24

Jawab Yesus, “Allah de mutus Uku ngen bangso Israel, khususne ngen tobo'o de limau.”

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 10:16

Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

KISAH RASUL-RASUL 13:46

Tapi ngen lebiak binai Paulus ngen Barnabas madeak, “Memang ngen udiba firman Allah harus nelei namen lebiak dute, tapi udi temulokne ngen manggep dirainu coa patas utuk dapet idup de kekal. Kerno'o keme moi ngen bangso-bangso luyen.

ROMA 11:22

Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

ROMA 11:30

Sebab serai awei udi bel'o coa taat ngen Allah, tapi uyo dapet kemurahan kerno tun Yahudi coa taat.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 3:26

Maksud-Ne adeba utuk kemten keadilan-Ne pado maso yo, supayo nyato, bahwo Si benea ngen kulo menea tun de pecayo ngen Kristus jijai benea.

ROMA 3:3

Jijai awei ipe, amen neak ataro tobo'o ade de coa setia, jano kerno o Allah jijai coa setia?

ROMA 4:16

Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

1 KORINTUS 1:12

De uku maksud adeba bahwo neak antaro udi ade de madeak, “Uku motoa Paulus,” ade kulo de madeak, “Uku motoa Apolos,” de luyen madeak, “Uku motoa Petrus,” dong de luyen igai madeak, “Uku motoa Kristus.”

1 KORINTUS 10:19

Jano maksud uku ngen do'o? Patung atau kembuk de senreak ngen patung coa gen tai samo sekilai.

1 KORINTUS 10:29

Maksud uku iso atei nuraninu, tapi atei nurani tun o. Mukin ade de betanye, “Woi, getai kebebasan uku harus natur ngen atei nurani tun luyen?

1 KORINTUS 15:50

Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.

2 KORINTUS 1:20

Sebab liwet Si Allah bi madeak “Au” teadep kute janjai-Ne. Kerno o ba ite mucep “Amin” ngen Allah kerno Yesus Kristus. Keme menea awei o supayo Allah mulio.

EFESUS 2:12

Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.