ROMA 15:5 - JANJAI BLAU Lem Bahaso Jang Bebilai

⁵ Semoga Allah, de melei kesabaran ngen penghiburan ngen manusio, temulung udi utuk idup do atei, temotoa teladan Kristus Yesus.

ROMA 15:5 ပူးပေါင်းရင်းမြစ်များ

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

ROMA 12:16

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

FILIFI 4:2

Euodia ngen Sintike, duai saudaro selawei! Uku minoi nien supayo udi do atei sebagai tun-tun do imen.

FILIFI 2:2

Nah, cubaba udi benea-benea semnang ateiku ngen hal-hal yo: idup do atei ngen kasiak de serai, ngen pekeran de serai ngen tujuan de serai.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

KISAH RASUL-RASUL 4:32

Kute tun de pecayo o idup do atei ngen do jiwo. Coa suang kulo kunei tobo'o manggap bahwo de temuanne adeba temuanne suang. Kute de ade ngen tobo'o, tobo'o makei sesamo.

2 PETRUS 3:9

Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.

ROMA 15:3

Sebab Kristus kulo coa meker kesenangan dirai-Ne su'ang. Neak lem Kiteb Sucai tetulis awei yo, “Kute hinaan teadep Ko bi keno ngen uku.”

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 KORINTUS 7:6

Tapi Allah, de mibur tun de tembeak atei, bi mibur keme ngen tekone Titus.