ROMA 15:3 - JANJAI BLAU Lem Bahaso Jang Bebilai

³ Sebab Kristus kulo coa meker kesenangan dirai-Ne su'ang. Neak lem Kiteb Sucai tetulis awei yo, “Kute hinaan teadep Ko bi keno ngen uku.”

ROMA 15:3 ပူးပေါင်းရင်းမြစ်များ

MATIUS 10:25

Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MATIUS 27:44

Prapok-prapok de senalib ngen Si'o, kulo mino Si kulo awei'o.

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

YOHANES 15:24

Sekirone Uku coa menea neak tengeak-tengeak tobo'o kerjo-kerjo de coa perneak nea tun luyen, tobo'o paset coa beduso. Tapi uyo kunyau tobo'o bi kemliak kutene o, tobo'o jengik ngen Uku kulo ngen Bapa-Ku.

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 5:30

“Uku coa dapet menea jano bae kunei dirai-Ku suang. Uku mukum sesuoi ngen jano de Uku temi'uk. Ngen ukuman-Ku adea, sebab Uku coa temotoa kelok-Ku suang, seluyen kelok-Ne de mutus Uku.

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

YOHANES 8:29

Si, de sudo mutus Uku, semerto Uku. Si coa perneak teminggea Uku suang, sebab Uku bogoa menea jano de semnang atei-Ne.”

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

FILIFI 2:5

Lokbah udi bejiwo awei Yesus Kristus:

FILIFI 2:8

Si merendeak dirai, ngen idup taat ngen Allah sapei matei – adeba matei senalib.