ROMA 15:2 - JANJAI BLAU Lem Bahaso Jang Bebilai

² Sebelekne ite masing-masing harus semnang atei sesamo saudaro ite utuk kebaikanne, supayo imenne tambeak kuet.

ROMA 15:2 ပူးပေါင်းရင်းမြစ်များ

ROMA 14:19

Sebab o tujuan ite harusba bogoa utuk hal-hal de menea kerukunan ngen samo-samo mbangun.

1 KORINTUS 10:23

Nadeak tun, “Ite buliak menea jano bae de ite lok.” Benea! Tapi coa kute de ite lok o beguno. “Ite buliak menea jano bae de ite lok” – tapi coa kute de ite lok o mbangun idupte.

1 KORINTUS 10:24

Jibeakba suang kulo bejuang utuk diraine suang. Tiep tun harus bejuang utuk tun luyen.

1 KORINTUS 10:33

Idupba awei uku. Uku berusaho semnang atei kute tun lem dau hal, coa gen maksud utuk kepentingan dirai suang. Tujuan uku cuma supayo tobo'o kutene dapet selamat.

1 KORINTUS 13:5

Si rendeak atei, coa kasar, si coa makso tun luyen temotoa kelokne suang, coa kulo gacang tesinggung, ngen coa dendem.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 14:3

Sebelekne, tun de semapei bito kunei Allah, semapeine ngen manusio; utuk kemuet tobo'o, utuk melei semangat ngen tobo'o ngen utuk mibur tobo'o.

2 KORINTUS 12:19

Bi an agokne udi sako bahwo keme lok mbela dirai te'adep udi. Neak adep Allah ngen demi Kristus keme madeak: Kutene yo, Saudaro-saudaroku terkasih, tejijai utuk mbangun imen udi.

2 KORINTUS 13:9

Keme senang amen keme lemah, ngen udi kuet. Keme bedu'o kulo supayo udi jijai sempurno.

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.