ROMA 15:18 - JANJAI BLAU Lem Bahaso Jang Bebilai

¹⁸ Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

ROMA 15:18 ပူးပေါင်းရင်းမြစ်များ

KISAH RASUL-RASUL 15:12

Lajau diemba kute umat o, lajau tobo'o temi'uk Paulus ngen Barnabas cemrito kute tando ngen mujizat de nea Allah ngen perantaro tobo'o neak antaro bangso-bangso luyen.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

KISAH RASUL-RASUL 21:19

Paulus melei salam ngen tobo'o, lajau cemrito kute sesuaktau jano de nea Allah neak antaro bangso-bangso luyen liwet pelayananne.

GALATIA 2:8

Sebab Allah de melei ngen Petrus kemampuan utuk jijai rasul tun Yahudi, melei kulo ngen uku kemampuan utuk jijai rasul tun iso Yahudi.

ROMA 16:26

Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah.

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.

YAKOBUS 1:22

Lokba udi menea jano de nadeak Allah, jibeak cuma temi'uk bae, sehinggo ngen awei o udi mike dirai suang.

IBRANI 11:8

Kerno berimen, mako Abraham taat, Allah menok ngen meluak lalau moi negrai de Allah jemanjai ngenne. Lajau Abraham berakat ngen coa namen moi ipe bakea lalau.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

2 KORINTUS 12:6

Seandaine uku lok kulo mbangga sesuaktau, uku coa lok jijai tukang mike de miling coa benea. Tapi uku temaen diraiku, supayo jibeak ade tun de peker tetang uku lebiak kuneipado de tobo'o kemliak ngen uku atau de tobo'o temi'uk kunei uku.

2 KORINTUS 11:31

Allah, adeba Bapa kunei Yesus, Tuhante, namen bahwo uku coa mike, tepujaiba gen-Ne seke'an-ke'anne.

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

KISAH RASUL-RASUL 26:20

Tapi mulo-mulo uku melei namen ngen tun-tun neak Damsyik, neak Yerusalem ngen neak kute taneak Yudea, kulo ngen bangso-bangso luyen bahwo tobo'o harus tobat, semreak dirai ngen Allah serto menea plep-plep de sesuoi ngen pertobatan o.

KISAH RASUL-RASUL 15:4

Sapeine neak Yerusalem tobo'o senambut ngen jemaat, rasul-rasul ngen pemipin-pemipin, lajau tobo'o cemrito kute seseuaktau de Allah menea liwet tobo'o.

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

MARKUS 16:20

Tobo'o kulo lalau melei namen Bito Baik moi kute penjuru, ngen Tuhan milem kerjo ngen kemukuak firman o ngen tando-tando de semertone.] [

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

2 KORINTUS 3:5

Keme coa temuan sesuaktau alasan utuk madeak bahwo keme sanggup menea kerjo yo, tapi Allah de melei kemampuan o ngen keme.

MATIUS 25:16

Pelayan de temimo lemo caci mas segro lalau jagea, lajau dapet utung lemo ribau caci mas igai.