ROMA 15:16 - JANJAI BLAU Lem Bahaso Jang Bebilai

¹⁶ Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 15:16 ပူးပေါင်းရင်းမြစ်များ

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 20:32

Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne.

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:1

Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

ROMA 11:13

Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku.

ROMA 15:18

Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

ROMA 15:20

Cito-cito uku adeba melei namen Bito Baik kunei Allah neak penan-penan neak ipe tun ati temi'uk tetang Kristus. Sebab uku coa lok menea kerjo neak pondasi de pek tun luyen.

ROMA 15:29

Amen uku teko ngen udi, paset uku teko ngen dau berkat kunei Kristus utuk udi.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 4:1

Anggepba keme pelayan-pelayan Kristus, de betanggung jawab melei namen rencano-rencano Allah de ati dunio namen.

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 8:5

Tobo'o melei lebiak dau kuneipado de keme ma'ep. Tobo'o mulo-mulo semreak dirai ngen Tuhan, sudo'o ngen keme kulo, sesuoi ngen kelok Allah.

GALATIA 3:5

Allah melei Roh-Ne ngen udi ngen menea keajaiban-keajaiban neak antaro udi. Jano Allah menea o kerno udi maneu hukum agamo atau kerno udi temi'uk Bito Baik o ngen pecayo ngen Kristus?

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

EFESUS 2:22

Neak lem Si udi kulo dong ten gok jijai Penan Allah, neak lem Roh-Ne.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.

IBRANI 13:16

Ingetba utuk menea baik ngen saling temulung, sebab dioba kurban-kurban de semnang atei Allah.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.