ROMA 14:8 - JANJAI BLAU Lem Bahaso Jang Bebilai

⁸ Sebab amen ite idup, ite idup utuk Tuhan, ngen amen ite matei, ite matei utuk Tuhan. Jijai baik idup atau matei, ite adeba de Tuhan temuan.

ROMA 14:8 ပူးပေါင်းရင်းမြစ်များ

LUKAS 20:38

Si iso Allah tun matei, tapi Allah tun idup, sebab neak adep Si kute tun idup.”

YOHANES 21:19

(Hal yo de nadeak Yesus utuk madeak awei ipe Petrus bakea matei be utuk mulio Allah.) Sesudo madeak awei o Yesus madeak ngen Petrus, “Milauba Uku.”

KISAH RASUL-RASUL 13:36

Kerno Daud menea kelok Allah pado zamanne, lajau si matei ngen genulek neak depeak ninik puyangne, si memang senreak ngen kebinasaan.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 21:13

Tapi Paulus jemawab, “Getai udi ngindoi, sehinggo menea ateiku ajua? Kerno uku yo rela iso bae utuk neket, tapi kulo utuk matei neak Yerusalem demi gen Tuhan Yesus.”

1 KORINTUS 15:23

Tapi masing-masing bakea nidup temurut giliane: pertamo-tamo Kristus; sudo'o pado waktau Si teko igai, semsung tun-tun de temasuk de Kristus temuan.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 2:30

Utuk kepentingan kerjo Kristus, si gesea matei; si temuak nyabaine utuk melei petulung ngen uku das gennu.

1 TESALONIKA 5:10

Si matei utuk ite supayo pado waktau Si teko be – teak ite masiak idup, teak ite bi matei – ite dapet idup besamo Si.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”