ROMA 14:2 - JANJAI BLAU Lem Bahaso Jang Bebilai

² De su'ang yakin, bahwo si buliak mbuk kute mecem kembuk, tapi tun de lemah imenne cuma mbuk sayur-sayuran bae.

ROMA 14:2 ပူးပေါင်းရင်းမြစ်များ

ROMA 14:1

Temimoba tun de lemah imenne ngen coa bogoa madeak pendapetne.

ROMA 14:14

Kerno uku jijai do ngen Tuhan Yesus, mako uku pecayo nien bahwo coa ade sesuaktau kulo pado dasarne najis; tapi hal o najis utuk su'ang tun, amen tun o manggapne najis.

ROMA 14:20

Jibeakba, kerno soal kembuk, Saudaro musak jano de sudo kenerjo Allah. Kute kembuk halal utuk nemuk; tapi amen jano de Saudaro mbuk menea tun luyen jijai beduso, mako Saudaro saleak.

ROMA 15:1

Ite de sungguak-sungguak yakin ngen jano de ite pecayo, harusba sabar teadep kelemahan-kelemahan tun de coa kuet imenne. Jibeakba ite lok semnang dirai ite su'ang bae.

1 KORINTUS 10:25

Udi buliak embuk jano bae de jenuo neak peken daging. Jibeak semlidik lebiak dute, kunyau atei nuraninu coa tujau.

1 KORINTUS 8:9

Tapi, te atei! Jibeak sapei tejijai bahwo tun luyen jijai duso – kerno imenne ati kuet – sebab Saudaro bebas menea jano bae.

1 KORINTUS 9:22

Neak tengeak-tengeak tun-tun de imenne de coa kuet, uku kulo besikep awei tun de imenne coa kuet supayo uku dapet temarik tobo'o jijai penotoa Kristus. Siketne, uku jijai kekutene utuk kute tun supayo ngen dalen de awei ipe kulo uku dapet semlamat pao kunei tobo'o.

GALATIA 2:12

Mulo-mulo si temot mukmei besamo-samo ngen saudaro-saudaro de iso Yahudi. Tapi sesudo tun-tun utusan Yakobus teko, si lalau kunei saudaro-saudaro iso Yahudi ngen coa lok igai mukmei ngen tobo'o, sebab saben teadep tun-tun de lok kunyau kute tun senunat.

1 TIMOTIUS 4:4

Kerno kute de cenipto Allah o baik ngen coa ade do kulo de haram, amen tenimo ngen mucep syukur ngen Allah.

TITUS 1:15

Kute sesuaktau adeba sucai bagiak tun-tun de sucai. Tapi utuk tun-tun de pekeranne kidek ngen de coa ade imen, coa ade sesuaktau de sucai, sebab pekeran ngen atei nurani tobo'o bi kidek!

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

IBRANI 9:10

Kerno upacara-upacara o cuma berkenan ngen kembuk, menem, ngen memecem upacara penyucian. Kutene cuma peraturan-peraturan laher de beguno cuma sapei waktaune Allah menea pembaharuan.