ROMA 13:2 - JANJAI BLAU Lem Bahaso Jang Bebilai

² Sebab o api de melawen pemeriteak, si melawen periteak Allah ngen api de menea awei o, bakea teko hukuman das diraine.

ROMA 13:2 ပူးပေါင်းရင်းမြစ်များ

MATIUS 23:13

“Celakoba udi pemipin-pemipin agamo ngen tun-tun Farisi! Tun-tun munafik. Kerno udi malang tun-tun utuk jijai anggota umat Allah. Udi dewek coa lok jijai anggota umat Allah, ngen tun de lok, udi malang. [

MARKUS 12:40

Tobo'o mike jando-jando, dong tobo'o temutup kejahatanne ngen du'o de panjang. Tobo'o yo paset bakea temimo hukuman de lebiak benek.”

LUKAS 20:47

Tobo'o mike jando-jando ngen mbut umeakne. Ngen utuk temutup kejahatan tobo'o o, tobo'o bedu'o pepanjang! Hukuman tobo'o paset benek!”

ROMA 13:1

Tiep-tiep tun harus taat ngen pemeriteak de neak dasne, sebab coa ade pemeriteak, de asalne iso kunei Allah; ngen pemeriteak-pemeriteak de ade, das periteak kunei Allah.

ROMA 13:3

Sebab amen tun menea baik, si jibeak saben ngen pemeriteak, cuma amen si menea de coa baik. Jano udi lok idup supayo coa saben tea'dep pemeriteak? Neaba jano de baik ngen udi bakea nujai.

ROMA 13:5

Sebab o Saudaro harus taat ngen pemeriteak, iso bae kerno kemurkaan Allah, tapi kulo kerno sa'ei atei nurani ite.

ROMA 9:19

Uyo ko bakea madeak ngen uku, “Amen awei o, jano igai de masiak senaleak-Ne? Sebab api de temtang kelok-Ne?”

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.

1 PETRUS 2:13

Demi Tuhan lokba udi tunduk ngen tiep penguaso dunio: baik ngen Kaisar de jijai penguaso de utamo,