ROMA 13:11 - JANJAI BLAU Lem Bahaso Jang Bebilai

¹¹ Hal yo harus udi nea, kerno udi namen keadaan waktau uyo, adeba bahwo saatne bi sapei utuk udi jagai kunei tidua. Sebab uyo keselamatan bi lebiak pa'ok utuk ite kunei pado waktau ite jijai pecayo.

ROMA 13:11 ပူးပေါင်းရင်းမြစ်များ

MATIUS 16:3

Ngen waktau bilai pueng, ‘Udi madeak bilai kidek, yo bakea ujen kerno lenget mileak ngen kelem.’ Rupo lenget ko namen udi nam meramea cuaco ngen kemliak lenget, udi coa nam meramea tando-tando zaman!”]

LUKAS 21:28

Amen hal-hal o muloi tejijai, klongonba ngen naketba ulaunu, sebab tegoa igai udi bakea selamat.”

1 KORINTUS 10:11

Kute hal o tejijai ngen tobo'o utuk jijai contoh bagiak tun luyen. Ngen kutene o tetulis kulo utuk jijai penginget ngen ite. Sebab ite uyo idup neak maso akhir zaman.

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

YAKOBUS 5:8

Lokba udi kulo sabar ngen riang, kerno tekone Tuhan bi pa'ok.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

2 PETRUS 3:11

Kerno kutene o bakea najua ngen ca'o de awei'o, awei ipe seharusne udi idup? Udi harus idup sucai ngen khusus utuk Allah,

2 PETRUS 3:9

Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.

1 YOHANES 2:18

Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

WAHYU 1:3

Riangba tun de mbaco ngen tun de temi'uk bito tetang bukau yo serto taat ngen jano de tetulis neak lemne. Sebab coa an igai kutene yo bakea tejijai.

WAHYU 22:10

Lajau si madeak igai, “Jibeakba nunyin kecek-kecek nubuat lem kiteb yo, sebab bi pa'ok waktaune kutene bakea tejijai.

WAHYU 22:12

“Kemliakba dio!” nadeak Yesus, “Coa an igai uku bakea teko ngen mbin upeak utuk males tiep tun temotoa jano de sudo nea ne.

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!