ROMA 12:8 - JANJAI BLAU Lem Bahaso Jang Bebilai

⁸ Amen karunio utuk melei nasehat, baikba ite melei nasehat. Api de magiak sesuaktau, lokba si meneane ngen atei ikhlas. Api de melei pipinan, lokba si meneane ngen rajin. Api de melei ngen baik atei, lokba si meneane ngen atei riang.

ROMA 12:8 ပူးပေါင်းရင်းမြစ်များ

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 13:12

Waktau gubernur'o kemliak jano de sudo tejijai, si pecayo ngen Yesus; kerno si kebiak kagum ngen ajaran tetang Tuhan.

KISAH RASUL-RASUL 13:15

Sesudo Bukau Musa ngen Bukau Nebai-nebai m'baco pemipin-pemipin umeak semyang'o meluak tun betanye ngen Paulus ngen kekuatne, “Pasuak-pasuak, amen ade neak antaro udi temuan pesen utuk tun yo, senapei ba!”

KISAH RASUL-RASUL 15:32

Yudas ngen Silas, de adeba kulo nebai, dau melei penghiburan ngen pasuak-pasuak de pecayo o ngen kemu'et atei tobo'o.

KISAH RASUL-RASUL 20:2

Si moi daerah-daerah Makedonia, melei dau nasihat ngen tun-tun de pecayo ngen Yesus neak di utuk melei semangat ngen tobo'o. Sesudo'o si lalau moi Yunani.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 4:36

Awei o kulo ngen Yusuf, rasul-rasul madeak si Barnabas, taine anok penghibur, suang Lewi kunei Siprus.

ROMA 12:13

Tulungba tun-tun sucai lem kekuranganne ngen berusahoba utuk melei penan tinggea neak lem umeaknu!

ROMA 13:6

Do'oba kulo sebabne mako udi masen pajak. Kerno tobo'o de murus hal o adeba pelayan-pelayan Allah.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 14:3

Sebelekne, tun de semapei bito kunei Allah, semapeine ngen manusio; utuk kemuet tobo'o, utuk melei semangat ngen tobo'o ngen utuk mibur tobo'o.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 KORINTUS 8:12

Sebab amen udi rela utuk melei, mako Allah bakea temimo peleinu o das dasar jano de ade ngen ko, iso das dasar jano de coa ade ngen ko.

2 KORINTUS 9:11

Ngen awei o udi bakea serbo ade lem kute hal sehinggo udi bogoa dapet melei ngen mudeak atei. Ngen pelei-peleinu de keme magiak, sebab o dau tun madeak mokasiak ngen Allah.

2 KORINTUS 9:13

Ngen kunei kebaikan de udi kemten o, dau tun Kristen neak Yudea bakea mujai Allah kerno tobo'o kemliak kesetiannu teadep Bito Baik tetang Kristus de udi totoa o. Kulo, tobo'o mujai Allah, kerno udi kebiak mue'ak atei utuk magiak ngen tobo'o ngen kute tun jano de ade ngen udi.

2 KORINTUS 9:7

Lokba memasing melei ngen kerelaan ateine, jibeak ngen ibo atei atau terpakso, sebab Allah mengasihi tun de melei ngen sukocito.

EFESUS 6:5

Saudaro-saudaro de jijai budok, Taatba ngen periteak tuannu de neak dunio yo. Neaba do'o ngen perasaan hormat, taat serto ngen sungguak-sungguak, serai awei udi taat ngen Kristus.

KOLOSE 3:22

Saudaro-saudaro de jijai hamba! Lem kute hal, lokba udi taat ngen tuannu de neak dunio yo. Jibeakba taat ngen tobo'o cuma pado waktau tobo'o gidong ngawas udi, kerno udi lok nujai. Taatba ngen tobo'o ngen atei de ikhlas, kerno udi hormat ngen Tuhan.

1 TESALONIKA 2:3

Nasehat keme ngen udi iso kunei kekeliruan; atau kunei maksud de coa benea atau utuk mike.

1 TESALONIKA 2:8

Kerno keme kembiak sayang keme siap melei namen ngen udi iso bae Bito Baik de kunei Allah o, tapi idup keme kulo. Sebab keme kembiak mengasihi udi!

1 TIMOTIUS 4:13

Sementaro o, sapei uku teko be, ko harus sungguak-sungguak mbaco Alkitab ngen tun-tun ngen majeane.

1 TIMOTIUS 5:17

Pemipin jemaat de maneu tugasne ngen baik, patut nelei penghargaan duai kilai lipet, terutamo sekilai tobo'o de rajin khobah ngen ngajea.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

IBRANI 10:25

Lokba ite tep kopoa besamo-samo, jibeakba laloi awei tun luyen. Ite justru harus lebiak setia samo-samo melei kekuatan, sebab ite namen bahwo coa an igai Tuhan bakea teko.

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

IBRANI 13:22

Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

IBRANI 13:24

Semapeiba salam keme ngen kute umat Allah. Temimoba kulo salam kunei saudaro-saudaro neak Italia.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.