ROMA 12:7 - JANJAI BLAU Lem Bahaso Jang Bebilai

⁷ Amen karunio utuk melayani, baikba ite melayani; amen karunia utuk majea, lokba ite majea.

ROMA 12:7 ပူးပေါင်းရင်းမြစ်များ

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

KISAH RASUL-RASUL 13:1

Pado waktau'o lem jemaat neak Antiokhia ade kekedau nebai ngen pengajea, adeba: Barnabas ngen Simeon de senbut Niger, ngen Lukius tun Kirene, ngen Menahem de nasuh besamo ngen rajo Wilayah Herodes, ngen Saulus.

KISAH RASUL-RASUL 20:20

Udi namen bahwo uku coa segan melei namen ngen udi jano de beguno utuknu. Uku majea udi neak muko umum ngen neak umeak-umeak.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 6:1

Penotoa-penotoa Yesus betambeak dau. Pado waktau o tun-tun Yahudi de bebaso Yunani, jijai coa senang te'adep tun-tun Yahudi asli. De bebaso Yunani o madeak, “Selawei-selawei keme de sudo jando coa dapet batau biaya bebilai de nagiak ngen tun-tun.”

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 12:5

Ade memecem kerjo utuk melayan Tuhan, tapi Tuhan de nelayan o adeba Tuhan de do kulo!

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

GALATIA 6:6

Tun de temimo ajaran Kristus, lokba magiak ngen gu'aune kute de baik de ade ngen si.

EFESUS 4:11

Siba de melei pelei-pelei ngen manusio, pa'o naket-Ne jijai rasul, de luyen jijai nebai, de luyen igai jijai tukang melei Bito Baik o, ngen de luyenne naket-Ne kulo jijai gu'au-gu'au ngen gembala-gembala.

KOLOSE 4:17

Ngen melei namen Arkhipus, “Semleseiba tugas de nelei ngen ko guno mlayan Tuhan.”

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 TIMOTIUS 5:17

Pemipin jemaat de maneu tugasne ngen baik, patut nelei penghargaan duai kilai lipet, terutamo sekilai tobo'o de rajin khobah ngen ngajea.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

2 TIMOTIUS 2:24

Tun de bekerjo utuk Tuhan coa patut tekea; si harus ramah te'adep kute tun, ngen dapet majea tun seca'o baik ngen sabar.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.