ROMA 12:6 - JANJAI BLAU Lem Bahaso Jang Bebilai

⁶ Awei'oba ite temuan karunio de coa serai temurut kasih karunio de nelei ngen ite: Amen karunio o adeba utuk melei namen bito kunei Allah, baikba ite meneane sesuai ngen imen ite.

ROMA 12:6 ပူးပေါင်းရင်းမြစ်များ

1 KORINTUS 7:7

Sebeneane uku lebiak tujua amen kute tun jijai awei uku. Tapi masing-masing bi temimo karunio de khusus kunei Allah. Suang tun de temuan karunio yo, de luyen temuan karunio'o.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 1:11

Sebab uku lok kemliak udi utuk melei karunio rohani ngen udi utuk kemuet udi,

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

EFESUS 4:11

Siba de melei pelei-pelei ngen manusio, pa'o naket-Ne jijai rasul, de luyen jijai nebai, de luyen igai jijai tukang melei Bito Baik o, ngen de luyenne naket-Ne kulo jijai gu'au-gu'au ngen gembala-gembala.

1 KORINTUS 14:1

Lokba udi berusaho utuk kemasiak tun-tun luyen. Ngen berusahoba kulo utuk temimo karunio-karunio de nelei Roh Allah, terutamo sekilai kesanggupan utuk semapei rencano-rencano Allah ngen manusio.

2 KORINTUS 8:12

Sebab amen udi rela utuk melei, mako Allah bakea temimo peleinu o das dasar jano de ade ngen ko, iso das dasar jano de coa ade ngen ko.

1 TESALONIKA 5:20

Jibeakba manggep cayeak bito-bito de nelei Roh Allah.

1 KORINTUS 14:29

Duai atau telau tun de temuan bito kunei Allah harus semapei bito o, sementaro de luyen meker jano de nadeak o.

KISAH RASUL-RASUL 15:32

Yudas ngen Silas, de adeba kulo nebai, dau melei penghiburan ngen pasuak-pasuak de pecayo o ngen kemu'et atei tobo'o.

KISAH RASUL-RASUL 2:17

Allah befirman, ‘Bakea tejijai pado Bilai Kiamat bahwo: Uku bakea temu'un Roh-Ku moi das kute manusio. Mako anok-anoknu semanei ngen selawei bakea nelei namen. Ngen bujang semulen bakea dapet pengeliak-pengeliak. Ngen tun-tunnu de tuai bakea dapet mipai.

FILIFI 3:15

Ite kute de sudo dewasa seca'o rohani, harusba sikep awei o. Tapi amen neak antaro udi ade de madeak luyen, mako Allah bakea jemlasne kulo ngen udi.

EFESUS 3:5

De pado zaman tun-tun bel'o coa nelei namen ngen anok-anok manusio, tapi uyo Roh Allah bi melei namenne ngen rasul-rasul ngen nebai-nebai-Ne.

KISAH RASUL-RASUL 13:1

Pado waktau'o lem jemaat neak Antiokhia ade kekedau nebai ngen pengajea, adeba: Barnabas ngen Simeon de senbut Niger, ngen Lukius tun Kirene, ngen Menahem de nasuh besamo ngen rajo Wilayah Herodes, ngen Saulus.

LUKAS 11:49

Sebab o hikmat Allah madeak: ‘Uku bakea mbo ngen tobo'o nebai-nebai ngen rasul-rasul-Ku; pa'o kunei antaro nebai-nebai ngen rasul-rasul o bakea tobo'o nunuak ngen tobo'o senikso.’

MATIUS 23:34

Ti'ukba baik-baik: uku bakea mbo ngen ko nebai-nebai, tun-tun pacok ngen gu'au-gu'au, pao kunei tobo'o bakea udi munuak ngen udi semalib. Ade de bakea udi semikso neak lem umeak-umeak semyangnu ngen udi jemalang-jemalang kunei do kota moi kota de luyen.

1 KORINTUS 14:24

Tapi amen Saudaro kutene semapei bito kunei Allah, lajau teko suang tun de iso Kristen atau tun luea, mako hal-hal de nelei namen Saudaro kutene bakea kemten duso-duso tun o ngen menea si sadar ngen duso-dusone.

KISAH RASUL-RASUL 21:9

Pat anok selawei Filipus bi nelei karunio kunei Allah utuk melei namen bito kunei Allah.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 12:18

Ite kemliak bahwo Allah de mpek anggota-anggota o moi awok. Masing-masing ne'pek Allah neak penanne temurut kelok-Ne.

2 PETRUS 1:20

Teutamo sekilai lokba udi inget dio: Pesen Allah de senapei tobo nebai coa buliak ditafsirkan temurut pedapet suang.

MATIUS 25:22

Lajau pelayan de temimo duai ribau caci mas'o, teko nadeakne, ‘Tuan, Tuan bi melei duai ribau caci mas ngen uku. Keliak ba, uku bi dapet utung duai ribau caci mas igai.’