ROMA 12:3 - JANJAI BLAU Lem Bahaso Jang Bebilai

³ Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 12:3 ပူးပေါင်းရင်းမြစ်များ

LUKAS 18:11

Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

ROMA 11:20

Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 12:16

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 7:17

Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

2 KORINTUS 10:13

Sebelekne keme coa lok mbangga keliwet batas, meluyen tep neak lem batas-batas penan kerjo de tentau Allah bagiak keme, de tesebea sapei ngen udi kulo.

2 KORINTUS 12:13

Lem hal jano udi ku'ang coa denulai, mbanding ngen jemaat-jemaat de luyen? Paling-paling cuma lem hal yo, bahwo uku coa jijai beban udi. Uku minoi maaf das saleak o.

2 KORINTUS 12:7

Ngen supayo uku jibeak ombong kerno pengeliak-pengeliak de luea biaso o, uku nelei olon moi awokku de adeba utusan Iblis. Olon o nelei utuk mokoa uku supayo uku coa jijai ombong.

GALATIA 6:3

Amen suang tun madeak diraine peting, padahal si samo sekilai coa peting, si mike diraine suang.

EFESUS 3:2

Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu.

EFESUS 3:4

Amen udi mbacone, udi dapet namen resio tetang Kristus awei de uku mahamne.

EFESUS 4:16

Neak beak pipinan-Ne, kute anggota awok o tesusun rapi, ngen neket jijai do ngen pelayanan kute bagianne. Amen tiep-tiep anggota o bekerjo awei de seharusne, mako kute awok o bakea idup jijai lai ngen kuet lem kasiak.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

KOLOSE 2:13

Bel'o udi bi matei seca'o rohani kerno bi beduso, ngen kerno udi coa senunat seca'o laher. Tapi uyo Allah midup udi besamo-samo Kristus. Allah bi mapun kute duso te,

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

1 TIMOTIUS 2:15

Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

1 TIMOTIUS 2:9

Awei o kulo lokne selawei berias ngen sederhano ngen makei keracok de sopan. Jibeak makei potongan buk de nyolok atau makei perhiasan emas, mutiaro, atau keracok de la'ang-la'ang.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

TITUS 2:4

supayo ngen ca'o o tobo'o dapet majea selawei-selawei u'ai utuk mengasihi sematen ngen anok-anokne,

TITUS 2:6

Awei o kulo, meleiba nasehat ngen tun-tun u'ai supayo tobo'o jijai bijaksana.

YAKOBUS 4:6

Kunyau awei o, rahmat Allah de nelei ngen ite lebiak kuet kunei kelok roh ite o. Do'oba sebabne neak lem Kiteb Sucai tetulis kulo, “Allah temtang tun de ombong, tapi sebelekne Si mengasihi tun de rendeak atei.”

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:5

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

3 YOHANES 1:9

Uku sudo temulis pesen de singkat utuk jemaat, tapi Diotrefes de lok jijai pemipin neak lem jemaat, coa lok temotoa uku.