ROMA 12:2 - JANJAI BLAU Lem Bahaso Jang Bebilai

² Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 12:2 ပူးပေါင်းရင်းမြစ်များ

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MARKUS 4:19

Tapi kwatir tetang idup tobo'o ngen lok idup senang. Nafsu utuk memecem hal masuk moi lem atei tobo'o. Kerno o bito kunei Allah telipit neak lem atei tobo'o, sehinggo coa bebuak.

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 15:19

Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.

YOHANES 17:14

Uku bi melei firman-Nu ngen tobo'o ngen dunio jengik ngen tobo'o, kerno tobo'o iso kunei dunio, serai awei Uku iso kunei dunio.

YOHANES 7:7

Dunio coa dapet jengik ngen udi, tapi si jengik Uku, sebab Uku saksai tetang si bahwo kerjo-kerjone kidek.

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 13:14

Tapi kunyauba Tuhan Yesus Kristus sebagai perlengkapan senatai te'ang ngen jibeakba murus awoknu utuk memuaskan kelokne.

ROMA 7:12

Jijai hukum agamo Yahudi adeba sucai, ngen periteak o kulo adeba sucai, benea ngen baik.

ROMA 7:14

Sebab ite namen. Bahwo hukum agamo Yahudi adeba rohani, tapi uku yo manusio lemah, jenua utuk jijai hamba duso.

ROMA 7:22

Sebab neak lem batin uku galok ngen hukum Allah,

1 KORINTUS 3:19

Sebab de nanggap bijaksana ngen dunio adeba bodong bagiak Allah. Lem Kiteb Sucai tetulis, “Allah temakep tun-tun bijaksana lem kecerdikan tobo'o suang.”

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

EFESUS 1:18

Uku minoi supayo Allah mukok pekerannu sehinggo jijai te'ang: supayo udi ngertai jano de udi ma'ep kunei Allah de menok udi. Kulo supayo udi namen kebiak dau berkat-berkat de baik de seniap Allah utuk umat-Ne;

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 1:18

Udi namen jano de sudo nasen utuk mbebas udi kunei idup de sio-sio de nelei ninik puyangnu. Masenne iso sesuaktau de pacok usak awei pirok atau mas,

1 PETRUS 2:3

Neak lem Kiteb Sucai tetulis awei yo, “Udi bi meding su'ang padeak baikne Tuhan.”

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 2:20

Tun de kemnal Tuhan ngen Penyelamat ite Yesus Kristus sudo bebas kunei kuaso-kuaso dunio de menea manusio jijai najis. Tapi amen sesudo'o si tejerat igai sehinggo aleak ngen kuaso-kuaso o, mako keadaan tun o pado akhirne lebiak kidek kunei ayokne.

1 YOHANES 3:13

Sebab o, saudaro-saudaroku, jibeakba sele amen tun-tun dunio yo jengik ngen udi.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.