ROMA 12:16 - JANJAI BLAU Lem Bahaso Jang Bebilai

¹⁶ Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

ROMA 12:16 ပူးပေါင်းရင်းမြစ်များ

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

IBRANI 13:5

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

ROMA 15:5

Semoga Allah, de melei kesabaran ngen penghiburan ngen manusio, temulung udi utuk idup do atei, temotoa teladan Kristus Yesus.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

1 KORINTUS 3:18

Jibeakba suang tun kulo mike diraine suang. Amen ade tun neak antaro udi asai diraine bijaksana temurut ukuran dunio yo, tun o harus jijai bodong, supayo si jijai benea-benea bijaksana.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

LUKAS 14:13

Jijai, amen udi made pesta, nundangba tun peset, tun cacet, tun pakuak, ngen tun sutai.

1 KORINTUS 8:2

Tun de sako bahwo si namen dau, sebeneane tun ati dau namen.

1 KORINTUS 6:5

Hal yo uku madeak utuk semelek udi. Paset neak antarone ade suang tun de cukup bijaksano utuk semlesei sutok antaro Saudaro-saudaro de sesamo Kristen.

FILIFI 4:2

Euodia ngen Sintike, duai saudaro selawei! Uku minoi nien supayo udi do atei sebagai tun-tun do imen.

1 KORINTUS 4:10

Kerno Kristus, keme adeba tun bodong, udi tun Kristen de pacok! Keme lemah, udi kuet! Keme nino tun, udi nujai tun!

LUKAS 6:20

Lajau Yesus kemliak murid-murid-Ne ngen madeak: “Bahagiaba, hoi ko de peset, kerno udi adeba anggota umat Allah.

MATIUS 26:11

Tun miskin selalu ade neak antaro udi, tapi Uku coa selamone besamo-samo udi.

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

1 PETRUS 5:3

Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

KISAH RASUL-RASUL 4:32

Kute tun de pecayo o idup do atei ngen do jiwo. Coa suang kulo kunei tobo'o manggap bahwo de temuanne adeba temuanne suang. Kute de ade ngen tobo'o, tobo'o makei sesamo.

3 YOHANES 1:9

Uku sudo temulis pesen de singkat utuk jemaat, tapi Diotrefes de lok jijai pemipin neak lem jemaat, coa lok temotoa uku.

ROMA 6:2

Coa samo sekilai! Ite bi matei neak lem duso, awei ipe ite masiak dapet idup neak lemne?

ROMA 11:20

Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!