ROMA 12:1 - JANJAI BLAU Lem Bahaso Jang Bebilai

¹ Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 12:1 ပူးပေါင်းရင်းမြစ်များ

LUKAS 7:47

Sebab o Uku madeak ngen ko: Dusone de dau o bi napun, sebab si bi dau menea kasiak. Tapi tun de didik napun, didik kulo si menea kasiak.”

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 15:30

Demi Tuhan ite Yesus Kristus, ngen demi kasih de nelei Roh Allah, uku minoi nien ngen udi, semoga udi bedu'o kulo ngen sungguak-sungguak besamo-samo uku ngen Allah utuk uku.

ROMA 2:4

Jano ko lok manggap mudeak kekayaan kemurahan-Ne, kesabaran-Ne ngen kelapangan atei-Ne? Jano udi coa namen, bahwo maksud kemurahan Allah adeba menea udi jijai tobat?

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

ROMA 9:23

justru utuk kemten kekayaan kemuliaan-Ne das benda-benda kasihan-Ne de sudo seniap-Ne utuk kemuliaan,

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 4:1

Keme menea kerjo yo kerno Allah baik. Do'o sebabne keme coa putus asa.

2 KORINTUS 4:16

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 5:10

berusahoba kemnal jano de semnang atei Tuhan.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 4:10

Hal o bi udi nea kulo te'adep kute Saudaro do imen neak kuto wilayah Makedonia. Tapi, Saudaro-saudaro, keme minoi nien, supayo idupnu jijai lebiak baik igai.

1 TESALONIKA 5:12

Saudaro-saudaro, keme minoi nien supayo udi hormat ngen tobo'o de kerjo neak tengeak-tengeak udi; adeba tobo'o de niliak Tuhan utuk mipin ngen melei nasehat ngen udi.

1 TIMOTIUS 2:3

Do'oba de baik ngen semnang atei Allah, Penyelamat ite.

1 TIMOTIUS 5:4

Tapi amen suang rando temuan anok ngen kepau, tobo'oba de pertamo-tamo harus nelei pengertian bahwo tobo'o wajib memperhatikan keluargo tobo'o, ngen males jaso tun tuai ngen ninik tobo'o. Sebab hal o ba semnang atei Allah.

FILEMON 1:10

Uku, Paulus, minoi ngen ko tetang Onesimus, anok uku de lem Kristus. Sebab neak lem sel yo uku bi jijai bak aketne.

FILEMON 1:9

Tapi kerno uku mengasihi saudaro, uku cuma minoi bae. Uku yo tun tu'ai ngen uyo dong nasuk sel kerno Kristus Yesus.

IBRANI 13:22

Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

1 PETRUS 2:20

Sebab jano istimewane amen udi sabar saro hukuman de seharusne udi temanggung kerno saleak? Tapi amen udi sabar temanggung saro kerno menea de baik, mako Allah bakea memberkatinu.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.