ROMA 11:7 - JANJAI BLAU Lem Bahaso Jang Bebilai

⁷ Jijai awei ipe? Israel coa dapet jano de nesoane, tapi tun-tun de terpiliak bi dapetne. Ngen tun-tun de luyenne bi teguak ateine.

ROMA 11:7 ပူးပေါင်းရင်းမြစ်များ

MARKUS 6:52

tobo'o ati kulo ngertai kunyau ayokne bi kemliak mujizat tetang ruti, atei tobo'o coa masai.

LUKAS 13:24

Yesus jemawab ngen tun-tun neak di, “Berusahoba utuk masuk liwet bang de sepit. Sebab, inget! Dau tun berusaho masuk tapi coa dapet.

YOHANES 12:40

“Si bi semutai matai ngen temlo atei tobo'o, supayo tobo'o coa kemliak ngen matai, ngen coa ngertai. Supayo tobo'o coa belek ngen Uku, sehinggo Uku kema'en tobo'o.”

ROMA 10:3

Sebab, kerno tobo'o coa kemnal kebenaran Allah ngen kerno tobo'o berusaho utuk temgok kebenaran tobo'o su'ang, mako tobo'o coa takhluk ngen kebenaran Allah.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 11:5

Awei o kulo pado waktau yo ade tinggea do sisa, temurut pilihan kasih karunio.

ROMA 3:9

Jijai awei ipe? Jano ite temuan kelebihan kunei pado tun luyen? Samo sekilai coa. Sebab neak das bi ite nadeak baik tun Yahudi, atau iso Yahudi, mako tobo'o kute ade neak beak kuaso duso.

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

ROMA 9:18

Jijai Si kemten belas kasihan ngen api de kenlok-Ne ngen Si temguak atei api de kenlok-Ne.

ROMA 9:23

justru utuk kemten kekayaan kemuliaan-Ne das benda-benda kasihan-Ne de sudo seniap-Ne utuk kemuliaan,

1 KORINTUS 10:19

Jano maksud uku ngen do'o? Patung atau kembuk de senreak ngen patung coa gen tai samo sekilai.

2 KORINTUS 3:14

Pekeran tobo'o bi tetutup. Sapei pado bilai yo kulo pekeren tobo'o masiak tetutup ngen selikep pado waktau tobo'o mbaco bukau-bukau tetang janjai de an. O coa tukok, kerno cumu lem Kristus selikep o nam tukok.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

EFESUS 4:18

Pekeran tobo'o bi kelem, uak kunei idup de asalne kunei Allah, kerno tobo'o coa temuan pengetahuan jejano tetang Allah kerno tobo'o telo atei.

FILIFI 1:18

Tapi coa bokne! Sebab awei ipe kulo, baik o nea ngen maksud de benea atau ngen maksud de saleak, tapi Kristus nelei namen kulo; jijai uku senang. Ngen uku bakea tep meding awei o,

IBRANI 12:17

Udi namen bahwo sesudo'o Esau lok dapet berkat o kunei bapokne, tapi si tenulok. Sebab kunyau ngen ngindoi si mesoa dalen utuk menea kesalahanne jijai baik, kesepatan utuk o coa ade igai.