ROMA 11:6 - JANJAI BLAU Lem Bahaso Jang Bebilai

⁶ Tapi amen hal o tejijai kerno kasih karunio, mako iso igai kerno plep, sebab amen coa awei o, mako kasih karunio o iso igai kasih karunio.

ROMA 11:6 ပူးပေါင်းရင်းမြစ်များ

LUKAS 6:13

Ketiko kebilai, Si menok penotoa-penotoa-Ne ngen Si, lajau miliak kunei antaro tobo'o duai belas tun, Si temgen duai belas tun o rasul. Tobo'o adeba:

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

GALATIA 2:21

Uku coa manggap remeh rahmat Allah. Amen hubungan tun ngen Allah jijai baik igai kerno maneu hukum agamo, do'o taine mateine Kristus coa ade gunone.

GALATIA 5:4

Udi lepas kunei Kristus, amen udi ma'ep pembenaran liwet hukum agamo; udi ade neak luea anugerah.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.