ROMA 11:22 - JANJAI BLAU Lem Bahaso Jang Bebilai

²² Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

ROMA 11:22 ပူးပေါင်းရင်းမြစ်များ

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 15:2

Tiep dan pado-Ku de coa bebuak, tentok-Ne ngen tiep dan de bebuak, nersi-Ne, supayo si lebiak dau buakne.

YOHANES 8:31

Lajau padeak-Ne ngen tun-tun Yahudi de sudo pecayo ngen Si, “Amen udi idup temurut Firman-Ku, udi benea-benea penotoa-Ku.

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

ROMA 11:21

Sebab amen Allah coa sayang ngen dan-dan asli, Si kulo coa bakea sayang ngen udi.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

1 KORINTUS 15:2

Amen udi kuet bepegong pado jano de uku melei namen o, mako Bito Baik o semlamat udi; kecuali amen Saudaro pecayo coa gen taine.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

1 TESALONIKA 3:8

Uyo keme idup igai, asal bae udi tep setia lem Tuhan.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

WAHYU 2:5

Sebab o, tingetba padeak ke'uakne udi bi us! Tobatba kunei duso-dusonu, ngen neaba jano de udi nea semulo. Amen coa, mako uku bakea teko ngen udi, mok kekea lapu o kunei penanne.