ROMA 11:20 - JANJAI BLAU Lem Bahaso Jang Bebilai

²⁰ Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!

ROMA 11:20 ပူးပေါင်းရင်းမြစ်များ

LUKAS 18:14

Uku madeak ngen udi, “Tun yo belek moi umeakne awei tun de benea temurut Allah ngen tun Farisi o coa. Sebab barang api melekat dirai, si bakea tenbeak ngen barang api tembeak dirai, si bakea nelkat.”

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”

ROMA 11:18

jibeakba udi bangga teadep dan-dan o! Amen udi bangga, tingetba, bahwo iso udi de melei mbuk balet o, tapi balet o de melei kembuk udi.

ROMA 11:21

Sebab amen Allah coa sayang ngen dan-dan asli, Si kulo coa bakea sayang ngen udi.

ROMA 12:16

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 3:3

Jijai awei ipe, amen neak ataro tobo'o ade de coa setia, jano kerno o Allah jijai coa setia?

1 KORINTUS 10:12

Tun de sako diraine kuet, lokba te'atei; jibeak sapei si us.

1 KORINTUS 15:1

Uyo, Saudaro-saudaro, uku lok udi minget igai Bito Baik kunei Allah de uku melei namen bel'o ngen udi. Udi temimone, lajau pecayo ngen Kristus kerno Bito Baik o.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

2 KORINTUS 10:5

Keme matiak tiep siasat tun ngen mubuak tiep klopok de tegok ngen keangkuhan manusio utuk temtang pengenalan Allah. Keme temaen pekeran tun-tun ngen menea tobo'o takluk ngen Kristus.

FILIFI 2:12

Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade,

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

2 TESALONIKA 2:4

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 3:19

Uyo ite ngertai bahwo tobo'o coa dapet masuk, kerno tobo'o coa pecayo ngen Allah.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 4:6

Jijai tobo'o de pertamo-tamo temi'uk bito tetang Bito Baik o, coa temimo istirahat o kerno tobo'o coa pecayo. Amen awei o bi jelas bahwo ade tun-tun luyen de buliak temimo istirahat o.

YAKOBUS 2:19

Udi pecayo bahwo Allah cuma do? Nah, roh-roh kidek kulo pecayo tapi tobo'o kemtea kerno saben!

YAKOBUS 4:6

Kunyau awei o, rahmat Allah de nelei ngen ite lebiak kuet kunei kelok roh ite o. Do'oba sebabne neak lem Kiteb Sucai tetulis kulo, “Allah temtang tun de ombong, tapi sebelekne Si mengasihi tun de rendeak atei.”

1 PETRUS 1:17

Udi madeak Allah o Bapa pado waktau udi bedu'o ngen-Si. Nah, Allah do'oba de mukum api bae setimpal ngen perbuatan masing-masing. Sebab o selamo udi masiak ade neak dunio yo, lokba udi mengagungkan Allah lem idupnu.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

1 PETRUS 5:9

Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.

WAHYU 18:7

Neleiba ngen si sikso ngen duko cito de serai daune ngen kemulioan ngen kemewahan de neleine ngen diraine su'ang. Sebab si bogoa madeak ngen diraine, ‘Uku yo ratu de meriteak! Uku iso jando; uku coa bakea meding ibo!’

WAHYU 3:17

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.