ROMA 11:14 - JANJAI BLAU Lem Bahaso Jang Bebilai

¹⁴ Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat.

ROMA 11:14 ပူးပေါင်းရင်းမြစ်များ

ROMA 10:19

Tapi uku betanye: Jano Israel temi'ukne? Pertamo-tamo Musa madeak: “Uku menea udi jijai cembu'au teadep tun-tun de iso umat ngen menea udi mengiak teadep bangso de bodong.”

ROMA 11:11

Mako uku betanye: Jano tobo'o tatuk ngen harus us? Coa samo sekilai! Tapi kerno pelanggaran tobo'o, keselamatan bi sapei ngen bangso-bangso luyen, supayo menea tobo'o nyebu'au.

ROMA 9:3

Bahkan, uku lok terkutuk ngen ce'ei kunei Kristus demi saudaro-saudaroku, kaum sebangsoku seca'o jasmani.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 10:33

Idupba awei uku. Uku berusaho semnang atei kute tun lem dau hal, coa gen maksud utuk kepentingan dirai suang. Tujuan uku cuma supayo tobo'o kutene dapet selamat.

1 KORINTUS 7:16

Kerno Saudaro sebagai pengaten selawei – de sudo pecayo ngen Tuhan – awei ipe Saudaro pacok namen ngen paset bahwo Saudaro coa dapet semlamat sematennu? Awei'o kulo Saudaro pacok namen ngen paset bahwo Saudaro coa dapet senlamat pengaten selaweinu?

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 TIMOTIUS 2:4

Si lok supayo kute tun senlamat ngen namen de benea.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

FILEMON 1:12

Uyo tun de uku kasihi o uku mbo igai ngenko.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

YAKOBUS 5:20

ingetba ayat yo: Tun de menea tun beduso nyimpang kunei dalenne de saleak, tun o semlamat jiwo tun de beduso o kunei matei ngen sembab dau tun duso napun. Hormat keme, Yakobus