ROMA 1:8 - JANJAI BLAU Lem Bahaso Jang Bebilai

⁸ Pertamo-tamo liwet Yesus Kristus, uku mucep syukur ngen Allah kerno Saudaro-saudaro kutene, sebab kute dunio bi temi'uk bahwo udi pecayo nien ngen Kristus.

ROMA 1:8 ပူးပေါင်းရင်းမြစ်များ

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

LUKAS 2:1

Pado waktau o Kaisar Agustus kemluea do periteak, meluak sensus kute tun neak dunio.

KISAH RASUL-RASUL 11:28

Saleak suang kunei tobo'o de genne Agabus idup igai ngen kuaso Roh si madeak bahwo kute dunio bakea jijai kenyemen lai. Hal'o tejijai pado zaman Klaudius.

KISAH RASUL-RASUL 28:22

Tapi keme lok temi'uk kunei ko, awei ipe pekeran nu, sebab keme kute bi temi'uk tun mino ajarannu o.”

ROMA 10:18

Tapi uku betanye: Jano tobo'o coa temi'ukne? Memang tobo'o bi temi'ukne: “Sa'ei tobo'o sapei moi kute dunio, ngen kecek tobo'o sapei moi ujung bumai.”

ROMA 16:19

Kute tun bi namen bahwo udi setia ngen ajaran tetang Bito Baik de kunei Allah. Ngen uku senang das hal o tetang udi. Uku lok supayo udi bijaksana tetang hal-hal de baik, ngen ubo tetang hal-hal de kidek.

ROMA 6:17

Tapi mucep syukurba ngen Allah! Bel'o memang udi hamba duso, tapi uyo udi ngen segenep atei bi tunduk ngen ajaran de sudo tenrus ngen udi.

1 KORINTUS 1:4

Uku bogoa mucep syukur ngen Allahku kerno udi das anugerah Allah de nelei-Ne ngen udi lem Kristus Yesus.

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

EFESUS 1:15

Kerno o, sesudo uku temi'uk bahwo udi pecayo ngen Tuhan Yesus, ngen udi mengasihi kute umat Allah,

EFESUS 1:16

uku kulo coa bedan mucep syukur ngen Allah kerno udi. Uku bogoa minget udi lem du'oku,

EFESUS 3:21

Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 1:3

Tiep kilai uku tinget ngen udi, uku mucep syukur ngen Allah.

KOLOSE 1:3

Keme bi temi'uk bahwo udi pecayo ngen Yesus Kristus, udi sayang ngen kute umat Allah. Do'oba sebabne pado waktau keme bedu'o utuknu, keme bi mucep mokasiak ngen Allah, Bapa Tuhan te Yesus Kristus.

1 TESALONIKA 1:2

Keme bogoa mucep syukur ngen Allah kerno Saudaro kutene. Tiep kilai keme bedu'o ngen Allah ngen Bapa ite, keme bogoa minget udi. Keme bogoa demu'o udi.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.

FILEMON 1:4

Tiep kilai uku bedu'o, uku sembut gen Saudaro ngen mucep mokasiak ngen Allah.

IBRANI 13:15

Sebab o, liwet Yesus, lokba ite bogoa mujai-mujai Allah; do'o adeba kurban syukur ite ngen-Si, de ite melei liwet ucapan bibia utuk memuliakan gen-Ne.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.