ROMA 1:30 - JANJAI BLAU Lem Bahaso Jang Bebilai

³⁰ galok ngupet; tobo'o ombong ngen ku'ang ajea, jengik ngen Allah ngen galok ngike. Tobo'o pacok neak lem kejahatan ngen coa taat ngen tun tuai;

ROMA 1:30 ပူးပေါင်းရင်းမြစ်များ

MATIUS 15:4

Sebab Allah madeak, ‘Hormatba ngen bak maknu,’ ngen ‘Api bae mupet bak makne, harus nukum matei.’

MATIUS 16:21

Muloi kunei saat'o Yesus madeak teteang ngen penotoa-penotoa-Ne, Si mestai lalau moi kota Yerusalem ngen temanggung dau saro kunei pemipin-pemipin, pemipin imem-imem ngen gu'au-gu'au agamo. Si bakea nunuak tapi pado bilai ketelau Si bakea idup igai.

LUKAS 21:16

Tun tuainu, pasuak-pasuaknu, pasuak keluargonu, kekuatnu, bakea semreak udi. Pa'ok kunei udi bakea nunuak.

YOHANES 7:7

Dunio coa dapet jengik ngen udi, tapi si jengik Uku, sebab Uku saksai tetang si bahwo kerjo-kerjone kidek.

KISAH RASUL-RASUL 5:36

Sebab bel o perneak ade Teudas, de manggap diraine tun pacok, sehinggo kekiro pat otos tun temotoa si. Tapi si nunuak tun ngen kute penotoane ce'ei ngen nyep.

ROMA 2:17

Tapi, amen udi madeak diraine tun Yahudi ngen bepegong ngen hukum agamo Yahudi, jijai bangga lem Allah.

ROMA 2:23

Ko bangga das hukum agamo Yahudi, getai ko su'ang mino Allah ngen melanggea hukum agamo Yahudi o?

ROMA 3:27

Jijai amen awei o, jano alasan ite utuk bangga? Coa ade! Getai awei o? Jano kerno plep? Coa, tapi kerno imen!

2 KORINTUS 10:15

Keme coa mujai dirai das pekerjaan de nea tun luyen neak penan kerjo de coa ade batas utuk keme. Tapi keme ma'ep bahwo amen imennu tambeak, keme bakea dapet hormat lebiak lai igai neak antaro udi, amen mbanding ngen penan kerjo de mbatas utuk keme.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

2 TESALONIKA 2:4

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

YAKOBUS 3:5

Awei o kulo ngen dileak ite; kunyau dileak ite o titik, tapi si dapet ombong tetang hal-hal de lai. Pekerba padeak laine imbo dapet nembem nge opoi de kemliak titik!

YAKOBUS 4:16

Tapi uyo udi ombong ngen uta lai. Kutene o saleak.

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.

YUDAS 1:16

Tun-tun o bogoa bae menggerutu ngen semaleak tun luyen. Tobo'o idup temurut klok-klok tobo'o de beduso. Tobo'o ngerunyam tetang dirai suang, jemilet tun supayo dapet utung.