ROMA 1:21 - JANJAI BLAU Lem Bahaso Jang Bebilai

²¹ Sebab kunyau tobo'o kemnal Allah, tobo'o coa memuliakan Si sebagai Allah atau mucep syukur ngen Si. Sebelekne pekeran tobo'o jijai sio-sio ngen atei tobo'o de bodong jijai kelem.

ROMA 1:21 ပူးပေါင်းရင်းမြစ်များ

YOHANES 3:19

Dioba hukuman'o: Te'ang bi teko lem dunio, tapi manusio lebiak galok kelem kunei pado te'ang, sebab plep tobo'o kidek.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 1:19

Jano de dapet tobo'o namen tetang Allah nyato utuk tobo'o, sebab Allah bi kemtenne ngen tobo'o.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

ROMA 11:10

Ngen kunyauba matai tobo'o jijai kelem, sehinggo tobo'o coa ngeliak, ngen neaba kedong tobo'o bogoa bukuk.”

ROMA 15:9

Yesus kulo menea bangso-bangso luyen memuliakan Allah kerno atei-Ne baik ngen tobo'o. Neak lem Kiteb Sucai tetulis awei yo, “Sebab o uku bakea mujai Ko neak antaro bangso-bangso, uku bakea mbin legau pujian utuk gen-Nu.”

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

1 PETRUS 1:18

Udi namen jano de sudo nasen utuk mbebas udi kunei idup de sio-sio de nelei ninik puyangnu. Masenne iso sesuaktau de pacok usak awei pirok atau mas,

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

WAHYU 14:7

Malaikat o menggang ngen sa'ei de lek, “Sabenba ngen Allah, ngen pujaiba kebesaran-Ne! Sebab bi waktaune Allah mukum manusio. Sembeakba Si de jemijai lenget, bumai, laut ngen kute matai bioa!”

WAHYU 15:4

Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”