ROMA 1:18 - JANJAI BLAU Lem Bahaso Jang Bebilai

¹⁸ Kunei surgo Allah kemten murko-Ne teadep kute duso ngen kejahatan manusio, sebab kejahatan menghalangi manusio utuk kemnal ajaran benea tetang Allah.

ROMA 1:18 ပူးပေါင်းရင်းမြစ်များ

ROMA 1:19

Jano de dapet tobo'o namen tetang Allah nyato utuk tobo'o, sebab Allah bi kemtenne ngen tobo'o.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

ROMA 1:32

Sebab kunyau tobo'o namen tuntutan-tuntutan hukum Allah, adeba bahwo tiep tun de menea hal-hal o, patut nukum matei, tobo'o iso bae meneane suang, tapi tobo'o kulo tujau ngen tobo'o de meneane.

ROMA 2:3

Ngen ko, saudaro-saudaro, ko lok mukum tobo'o de menea awei o, tapi ko suang meneane kulo, jano ko peker bahwo ko bakea bebas kunei hukuman Allah?

ROMA 3:9

Jijai awei ipe? Jano ite temuan kelebihan kunei pado tun luyen? Samo sekilai coa. Sebab neak das bi ite nadeak baik tun Yahudi, atau iso Yahudi, mako tobo'o kute ade neak beak kuaso duso.

ROMA 4:15

Kerno hukum agamo Yahudi mako tejijaiba hukuman Allah, tapi neak ipe coa ade hukum agamo Yahudi, neak di kulo coa ade pelanggaran.

ROMA 5:6

Kerno waktau ite masiak lemah, Kristus bi matei utuk ite tun-tun durhako pado waktau de temtau Allah.

ROMA 5:9

Lebiak-lebiak, kerno ite uyo bi benea kerno daleak-Ne, ite paset senlamat kunei murka Allah.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

KOLOSE 3:6

Hal-hal de awei'oba de menea Allah mengiak te'adep tun-tun de coa taat ngen-Si.

2 TESALONIKA 2:10

Si bakea makei ca'o kidek utuk sesat tun-tun de bakea binaso. Tobo'o bakea binaso sebab temulok ngen coa senang bito de benea kunei Allah de dapet semlamat tobo'o.

2 TESALONIKA 2:6

Ngen udi namen jano de uyo masiak temaen tejijaine kutene o. Be pado waktau de sudo tentau Allah, Manusio Jahat o bakea teko.