ROMA 1:16 - JANJAI BLAU Lem Bahaso Jang Bebilai

¹⁶ Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

ROMA 1:16 ပူးပေါင်းရင်းမြစ်များ

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 9:26

Amen tun selek makau Uku ngen kecek-Ku, Anok Manusio kulo bakea selek makau tun o pado waktau Si teko igai ngen kuaso-Ne, ngen kuaso Bapa serto kuaso malaikat-malaikat de sucai!

YOHANES 7:35

Kerno o, tobo penguaso Yahudi o madeak suang tun ngen de luyen ne, “Moi ipe Si bakea lalau, sehinggo ite coa dapet temau ngen Si? Jano si be niat lok lalau ngen tun-tun Yahudi de tinggea neak ratau, neak antaro tun Yunani, utuk majea tun Yunani?

KISAH RASUL-RASUL 3:26

Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”

ROMA 10:17

Jijai, imen teko kunei pendengaran, ngen pendengaran kerno firman Kristus.

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

ROMA 15:29

Amen uku teko ngen udi, paset uku teko ngen dau berkat kunei Kristus utuk udi.

ROMA 2:9

Derito ngen saro bakea neding tun de idup de menea kejahatan, pertamo-tamo tun Yahudi ngen iso Yahudi,

ROMA 4:11

Ngen tando sunat o tenimone sebagai matrai kebenaran das dasar imen de kentenne, ayok si senunat. Awei'oba si dapet jijai bapa kute tun pecayo de coa senunat, supayo kebenaran nitung ngen tobo'o.

1 KORINTUS 15:2

Amen udi kuet bepegong pado jano de uku melei namen o, mako Bito Baik o semlamat udi; kecuali amen Saudaro pecayo coa gen taine.

1 KORINTUS 2:2

Sebab uku bi menea keputusan utuk coa lok namen jejano neak antaro udi seluyen Yesus Kristus, adeba Si de senalib.

1 KORINTUS 2:4

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso.

1 KORINTUS 9:12

Amen tun-tun luyen berhok ma'ep dio kunei udi, iso keme lebiak berhok igai kunei tobo'o? Tapi uku ati gemuno hok'o. Sebelekne uku lebiak galok temanggung kute sesuaktau kunei pado menea suaktau hal de temutup dalen bagiak Bito Baik tetang Kristus.

1 KORINTUS 9:18

Amen awei'o, jano upeak uku? Dio upeakne: bahwo uku dapet melei namen Bito Baik o ngen semaro suang tun kulo utuk temanggung biayaku, kerno uku coa temutut hok-hokku sebagai tukang melei namen Bito Baik o.

2 KORINTUS 2:12

Ketiko uku sapei neak Troas utuk melei namen Bito Baik tetang Kristus, Tuhan sudo mukok dalen utuk uku, utuk kerjo neak penan o.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

2 KORINTUS 9:13

Ngen kunei kebaikan de udi kemten o, dau tun Kristen neak Yudea bakea mujai Allah kerno tobo'o kemliak kesetiannu teadep Bito Baik tetang Kristus de udi totoa o. Kulo, tobo'o mujai Allah, kerno udi kebiak mue'ak atei utuk magiak ngen tobo'o ngen kute tun jano de ade ngen udi.

GALATIA 1:7

de sebeneane iso Bito Baik. Cuma ade tun de kemacau udi ngen maksudne utuk nutea belek Bito Baik Kristus.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

2 TIMOTIUS 1:16

Tapi keluargo Onesiforus bi kekedau kilai semnang ateiku. Semoga Tuhan melei rahmatne ngen keluargo Onesiforus. Kunyau uku neak lem sel, Onesiforus coa selek ngen keadaan uku o.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

IBRANI 4:12

Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.

1 PETRUS 4:16

Tapi amen udi menderita sebab udi tun Kristen, jibeakba selek kerno hal o. Mokasiakba ngen Allah, bahwo udi mbin gen Kristus.