ROMA 1:13 - JANJAI BLAU Lem Bahaso Jang Bebilai

¹³ Saudaro-saudaro, uku lok, supayo udi namen, bahwo uku bi cet beniat utuk teko ngen udi – tapi sapei uyo ade bae halangan – kunyau neak tengeak-tengeak udi uku dapet aseane, awei kulo neak tengeak-tengeak bangso iso Yahudi de luyen.

ROMA 1:13 ပူးပေါင်းရင်းမြစ်များ

YOHANES 12:24

Sesungguakne Uku madeak ngen ko: Amen soa gendum coa cucia moi lem taneak ngen matei, si bakea tep sebagoi soa gendum. Tapi amen soa gendum matei, baru si bakea masea dau gendum.

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 4:36

Uyo kulo tukang panen bi temimo upeakne ngen si melungguk buak utuk idup de kekal, sehinggo tukang tanem ngen tukang panen samo-samo riang.

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

KISAH RASUL-RASUL 15:12

Lajau diemba kute umat o, lajau tobo'o temi'uk Paulus ngen Barnabas cemrito kute tando ngen mujizat de nea Allah ngen perantaro tobo'o neak antaro bangso-bangso luyen.

KISAH RASUL-RASUL 19:21

Sesudo peristiwo o, Paulus temtep utuk lalau moi Yerusalem liwet Makedonia ngen Akhaya. Paulus madeak, “Sesudo moi di uku harus kemliak Roma kulo.”

KISAH RASUL-RASUL 21:19

Paulus melei salam ngen tobo'o, lajau cemrito kute sesuaktau jano de nea Allah neak antaro bangso-bangso luyen liwet pelayananne.

KISAH RASUL-RASUL 28:14

Neak di keme temau ngen kekedau tun de pecayo ngen Yesus, kerno undangan tobo'o keme tinggea tujuak bilai besamo-samo tobo'o. Sesudo'o keme berakat moi Roma.

ROMA 1:12

adeba, supayo uku ade neak antaro udi ngen sesamo riang kerno imen ite, baik imennu atau imenku.

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 7:1

Saudaro-saudaro, – uku madeak ngen tobo'o de namen hukum – bahwo hukum bekuaso das su'ang tun selamo tun o idup.

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

1 KORINTUS 10:1

Saudaro lokne minget jano de tejijai ngen ninik puyangte ketiko tobo'o temotoa Musa. Tobo'o selamat nyebe'ang Laut Mileak kerno tenutup embun.

1 KORINTUS 12:1

Uyo tetang karunio-karunio de nelei Roh Allah. Tetang o, uku lok Saudaro-saudaro namen de sebeneane.

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 9:2

Amen tun-tun luyen coa lok makau uku sebagai rasul, paling didik udi makau do'o! Sebab idup nu sebagai tun Kristen adeba bukti bahwo uku suang rasul.

2 KORINTUS 1:8

Saudaro-saudaro! Keme lok udi namen tetang derito de keme meding neak wilayah Asia. Derito de keme tanggung o kebiak benek temken keme, sehinggo keme cigai lok idup igai.

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

GALATIA 3:15

Saudaro-saudaro, baikba uku makei contoh kunei pengalaman bebilai. Amen tun menea suaktau ikatan janjai ngen janjai o bi sah, mako coa suang kulo dapet mbuye janjai o, atau tenambeak ngen sesuaktau kulo.

GALATIA 6:18

Tuhante Yesus Kristus semerto Saudaro-saudaro! Amin. Hormat keme, Paulus

FILIFI 1:22

Tapi amen uku harus idup neak dunio yo, uku dapet menea pekerjaan de lebiak beguno, mako uku coa namen ipe de harus uku miliak.

FILIFI 4:17

Do'o iso taine uku cuma lok temimo pelei. De uku lok adeba supayo uku dapet kemliak asea-asea de temambeak utung.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

1 TESALONIKA 2:18

Sebab keme bi niat utuk teko magea udi; ngen uku bi cemubone kekedau kilai, tapi Iblis temutup dalen keme.

1 TESALONIKA 4:13

Saudaro-saudaro, keme lok supayo udi namen de sebeneane tetang tun-tun de sudo ningea; supayo udi coa ibo awei tun-tun luyen de coa temuan harapan.

2 TESALONIKA 2:7

Kekuatan de menea kejahatan o bi muloi bekerjo seca'o resio, tapi masiak tenaen. Be amen de tenaene o bi senikia,

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.