ROMA 1:1 - JANJAI BLAU Lem Bahaso Jang Bebilai

¹ Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

ROMA 1:1 ပူးပေါင်းရင်းမြစ်များ

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 15:15

Uku coa madeak udi igai pelayan, sebab pelayan coa namen jano de nea tuanne, tapi Uku madeak udi kuat, kerno Uku bi melei namen ngen udi kute de sudo Uku temi'uk kunei Bapa-Ku.

YOHANES 15:20

Tinget ba jano de sudo Uku madeak ngen udi: ‘Suang pelayan coa ba lebiak lekat kunei tuanne.’ Amen tobo'o bi temotoa firman-Ku, tobo'o kulo bakea temotoa keceknu.

KISAH RASUL-RASUL 13:9

Tapi Saulus, de senbut kulo Paulus, de penuak ngen Roh Sucai, kemliak si,

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 21:40

Sesudo Paulus neluak pemipin pasukan, lalauba si je neak ndea, si melei isyarat ngentangenne moi tun dau o. Ketiko bi aman, muloiba si miling ngen tobo'o lem bahaso Ibrani, nadeakne,

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

KISAH RASUL-RASUL 22:7

Uku gulek moi pitok lajau temi'uk sa'ei de madeak ngen uku: ‘Saulus, Saulus, getai ko semikso Uku?’

KISAH RASUL-RASUL 26:1

Agripa madeak ngen Paulus, “Ko nelei kesepatan utuk mbela dirai.” Paulus melei tando ngen tangenne, lajau semapei pembelaanne sebagoi berikut,

KISAH RASUL-RASUL 26:14

Keme kute gulek moi pitok, uku mi'uk sa'ei de madeak ngen uku lem bahaso Ibrani, ‘Saulus, saulus, getai ko semikso uku? Saro bagiaknu temtang Si de bekuaso dasnu.’

KISAH RASUL-RASUL 27:23

Kerno kelemen nano suang malaikat kunei Allah de uku sembeak, adeba Allah de temuan uku, teko ngen uku.

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

ROMA 1:9

Uku bogoa minget udi amen uku bedu'o. Allah saksaine bahwo jano de uku madeak o benea. Siba Allah de uku melayan sepenuak atei ngen melei namen Bito Baik tetang Anok-Ne.

ROMA 11:13

Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 15:29

Amen uku teko ngen udi, paset uku teko ngen dau berkat kunei Kristus utuk udi.

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

1 KORINTUS 1:1

Saudaro-saudaro jemaat Allah neak Korintus! Udi sudo nok Allah utuk jijai umat-Ne kerno Saudaro de Yesus Kristus temuan, besamo-samo kute tun neak ipe bae de sembeak Tuhan ite Yesus Kristus, adeba Tuhan tobo'o ngen Tuhan ite kulo. Uku, Paulus, ngen Saudaro ite Sostenes, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen ko. Uku temulis su'et yo sebagai rasul Kristus Yesus, de naket Allah suang ngen das kelok-Ne kulo. Anugerah ngen damoi sejahtera kunei Allah, Bapate, ngen kunei Tuhan Yesus Kristus semerto udi.

1 KORINTUS 9:1

Uku tun bebas. Uku rasul. Jano uku ati perneak kemliak Yesus, Tuhan ite? Udi adeba asea kerjoku utuk Tuhan.

2 KORINTUS 1:1

Saudaro-saudaro jemaat Allah neak Korintus ngen kute umat Allah neak kute Akhaya. Uku, Paulus, rasul Kristus Yesus, de naket das kelok Allah, besamo-samo ngen saudaro ite Timotius,

2 KORINTUS 11:5

Tapi temurut pendapetku didik kulo uku coa ade ku'ang kunei pado rasul-rasul de luea biaso o.

2 KORINTUS 11:7

Pado waktau uku melei namen Bito Baik kunei Allah ngen udi, uku coa minoi biaya didik kulo ngen udi. Uku nea o utuk melekat udi. Jano uku saleak?

2 KORINTUS 12:11

Sungguak uku bi jijai bodong; tapi udi de makso uku. Sebeneane uku harus udi nujai. Kerno kunyau uku coa ade taine, tapi neak lem kute hal uku coa aleak teadep rasul-rasul de luea biaso o!

2 KORINTUS 2:12

Ketiko uku sapei neak Troas utuk melei namen Bito Baik tetang Kristus, Tuhan sudo mukok dalen utuk uku, utuk kerjo neak penan o.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

GALATIA 1:1

Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

EFESUS 1:1

Umat Allah neak Efesus, de setia ngen Kristus Yesus!

EFESUS 1:13

Udi kulo bi jijai umat Allah sewaktau udi temi'uk pesen Allah, adeba Bito Baik de melei keselamatan ngen ko. Udi pecayo ngen Yesus Kristus kerno o Allah melei tando de temuan-Ne ngenko, adeba Roh-Ne de jenanjai-Ne.

EFESUS 4:11

Siba de melei pelei-pelei ngen manusio, pa'o naket-Ne jijai rasul, de luyen jijai nebai, de luyen igai jijai tukang melei Bito Baik o, ngen de luyenne naket-Ne kulo jijai gu'au-gu'au ngen gembala-gembala.

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

KOLOSE 1:1

Saudaro-saudaro umat Allah neak Kolose de setia jijai do ngen Kristus! Sebagai rasul Kristus Yesus, – kerno tenunjuk Allah – uku, Paulus, besamo-samo ngen Saudaro ite Timotius, ma'ep semoga Allah Bapa ite melei berkat, sejahtera ngen udi.

KOLOSE 1:25

Allah meluak uku jijai pelayan jemaat-Ne utuk kepentingannu. Uku harus semapei bito kunei Allah kutene.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

1 TESALONIKA 2:8

Kerno keme kembiak sayang keme siap melei namen ngen udi iso bae Bito Baik de kunei Allah o, tapi idup keme kulo. Sebab keme kembiak mengasihi udi!

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

IBRANI 5:4

Coa ade suang kulo de maket diraine suang jijai Imem Lai. Allah suangba de maket Si. Awei de sudo tejijai ngen Harun.

IBRANI 7:26

Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

YAKOBUS 1:1

Saudaro-saudaro umat Allah kutene de tesebea neak kute dunio! Salam kunei uku, Yakobus, hamba Allah ngen hamba Tuhan Yesus Kristus.

1 PETRUS 4:17

Sudo sapei waktaune Allah madea dunio. Ngen umat Allah suangba de bakea nadea telebiak dute. Nah, amen Allah bakea muloi ngen ite, awei ipe jijaine konyo ngen tun-tun de coa pecayo ngen Bito Baik kunei Allah?

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”