MATIUS 9:35 - JANJAI BLAU Lem Bahaso Jang Bebilai

³⁵ Yesus kliling kunei do kota moi kota de luyen kunei do sadei moi sadei de luyen. Si ngajea lem umeak-umeak semyang, ngen semiar Bito Baik tetang awei ipe Allah mriteak awei Rajo. Si kema'en tun-tun de saro ngen kute olon ngen cacet.

MATIUS 9:35 ပူးပေါင်းရင်းမြစ်များ

MATIUS 10:1

Pado sewaktau bilai Yesus medeu keduai belas penotoa-penotoa-Ne bekopoa. Lajau Si melei kuaso ngen tobo'o utuk musir roh-roh jahat, ngen kema'en kute olon ngen kute cacet.

MATIUS 11:1

Sesudo Yesus melei petunjuk ngen keduai belas penotoa-Ne, Si teminggea penan'o. Si lalau majea ngen semiar kabar kunei Allah neak kota-kota de pa'ok neak di.

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

MARKUS 6:56

Moi ipe bae Si lalau, moi sadei-sadei, moi kota-kota ngen moi kapung-kapung, tun meletok tun-tun bolon neak pasar minoi ngen Si, supayo tobo'o buliak gemindoa kunyau ujung jubahne bae. Kute tun de gemindoane jijai ka'en.

LUKAS 13:22

Sesudo'o Yesus paneu keliling kunei kota moi kota ngen kunei sadei moi sadei samo ngajea ngen temrus pemaneu-Ne moi Yerusalem.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.