MATIUS 9:34 - JANJAI BLAU Lem Bahaso Jang Bebilai

³⁴ Tapi tun-tun Farisi madeak, “Pemipin roh-roh jahatba de melei Si kuaso utuk musir roh jahat'o.”

MATIUS 9:34 ပူးပေါင်းရင်းမြစ်များ

MATIUS 10:25

Bi cukup amen suang murid jijai awei gu'aune, ngen suang pelayan awei tuanne. Amen kepalo keluarga senbut Beelzebul jano igai seisai umeakne. Tobo'o bakea dapet gen de kembiak kidek igai!”

MATIUS 11:18

Yohanes teko si puaso ngen coa menem anggur; ngen tun-tun madeak, ‘Si pasuk semat!’

MATIUS 12:22

Sudo'o neminba ngen Yesus suang tun de pasuk semat tun'o buto ngen bisau, lajau Yesus kemaen tun'o si nam miling ngen kemliak.

MATIUS 12:27

Udi madeak bahwa Uku musir roh jahat kerno kuaso Beelzebul, amen awei'o ngen kuaso api penotoa-penotoanu dewek de mbukti bahwa udi saleak!

MARKUS 3:22

Ngen gu'au-gu'au agamo de teko kunei Yarusalem madeak, “Si pasuk roh Beelzebul! Pemipin roh-roh kidek o ba de melei kuaso ngen Yesus utuk musir roh kidek.”

LUKAS 11:15

Tapi ade neak antaro tobo'o madeak, “Si musir roh kidek ngen kuaso Beelzebul, pemipin roh kidek.”

YOHANES 3:20

Sebab api bae de menea kidek, jengik te'ang ngen coa teko ngen te'ang'o, kunyau plepne de kidek'o coa keten.

YOHANES 7:20

Tun dau o jemawab, “Ko pasuk semat! Api de berusaho munuak Ko?”