MATIUS 8:20 - JANJAI BLAU Lem Bahaso Jang Bebilai

²⁰ Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MATIUS 8:20 ပူးပေါင်းရင်းမြစ်များ

MATIUS 12:32

Amen tun miling sesuatu tetang anok manusio, si dapet napun, tapi amen si mino Roh Sucai kunei Allah si coa bakea napun, teak uyo kulo neak akhirat!”

MATIUS 12:40

Nebai Yunus tinggea telau bilai telau malem neak lem tenei kan lai. Awei'o kulo Anok Manusio bakea tinggea telau bilai telau malem neak lem tenei bumai.

MATIUS 12:8

Kerno Anok Manusio bekuaso pado bilai Sabat tun Yahudi.”

MATIUS 13:37

Yesus jemawab, “Tun de tembea biniak de baik'o adeba Anok Manusio.

MATIUS 16:13

Yesus lalau moi daerah pa'ok kota Kaisarea Pilipi, Si betanye ngen penotoa-penotoa-Ne, “Temurut nadeak tun, api Anok Manusio'o?”

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 17:9

Sewaktau tobo'o tu'un kunei tebo, “Yesus minget ngen tobo'o, jibeak madeak ngen api bae jano de udi kemliak nano, ayok Anok Manusio de idup igai kunei matei-Ne.”

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 12:8

“Uku madeak ngen udi: Tetiep tun de makau Uku neak muko manusio, Anok Manusio kulo bakea makau si neak adep malaikat-malaikat Allah.

LUKAS 18:8

Uku madeak ngen udi, ‘Si bakea segro mbenea tobo'o. Bakea tapi, amen Anok Manusio o teko, jano masiak tenmau tun de masai ngen Si neak bumai yo?’ ”

LUKAS 2:12

Dioba tandone: Ko bakea temau suang cupik de nukus ngen kain ngen nulik neak lem palungan.”

LUKAS 2:16

Lajau tobo'o gegulut berakat temau Maria, Yusuf ngen cupik o, de gidong gulek neak lem palungan.

LUKAS 2:7

Si melaher suang anok semanei, anokne de tuai, lajau nukusne ngen kain ngen nulikne neak lem palungan, kerno coa ade penan temalem utuk tobo'o.

LUKAS 21:36

Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

LUKAS 8:3

Yohana ngenyan Khuza pegawai istana Herodes, Susana ngen dau selawei-selawei luyen. Ngen biaya suang, tobo'o temulung Yesus ngen murid-murid-Ne.

LUKAS 9:58

Yesus madeak magea si, “Srigala temuan lubang ngen burung temuan sa'ang, tapi Anok Manusio coa temuan penan utuk mpek ulau-Ne.”

YOHANES 1:51

Lajau nadeak Yesus ngenne, “Uku madeak ngen udi, sesungguakne ko bakea kemliak lenget tukok ngen malaikat-malaikat Allah kenek tu'un ngen Anok Manusio.”

YOHANES 12:34

Lajau jawab tun dau o, “Keme bi temi'uk kunei ukum agamo Yahudi bahwo Rajo Penyelamat tep idup seke'anne. Awei ipe mukin Ko madeak bahwo Anok Manusio arus nelkat? Api Anok Manusio o?”

YOHANES 13:31

Sesudo Yudas lalau, madeakba Yesus, “Uyo Anok Manusio nujai ngen Allah kulo nujai lem Si.

YOHANES 3:13

Coa ade suang tun de sudo kenek moi surgo seluyen Si de sudo tu'un kunei surgo, adeba Anok Manusia.

YOHANES 3:14

Serai awei Musa kemnek dung tembaga pado de pun kiyeu neak benei libea, awei yo kulo Anok Manusio harus nelkat,

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

YOHANES 6:53

Mako nadeak Yesus ngen tobo'o, “Uku nadeak ngen udi, sesungguakne amen udi coa mbuk daging Anok Manusio ngen menem daleak-Ne, udi coa temuan idup neak lem dirainu.

YOHANES 6:62

Awei ipe amen udi kemliak Anok Manusio kenek moi penan neak ipe Si ayokne ade?”

KISAH RASUL-RASUL 7:56

Nadeak Stefanus, “Keliak, uku kemliak kulo surgo tukok ngen Anok Manusio je neak depeak kanen Allah!”

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.